مسابقة الرقص العالميه لاختيار أفضل راقصه للرقص الشرقى
الله عليك وعلى جمالك
أيه ده بس أدى المسابقات ولا بلاش
هو أحنا ناقصين راقصات
ما كفايه اللى بنشوفه كل يوم فى الفيديو كليب
هو فى واحده دلوقتى بتطلع تغنى كله طالع يهز
وعلى فكره مش أنا اللى بقول تهز هما اللى بيقولوا
دطبعا عايزين تعرفوا هما مين؟
اللى عملوا البرنامج الفظيع ده
بما أن الجنس الناعم ناعم والجنس الخشن خشن على رأى سمير صبرى سموا البرنامج
هزى يا نواعم
دعوه صريحه لكل البنات اللى عندهم طاقه مكبوته عشان يهزوا
مهو الكبت وحش بردوا يا أخوانا
فجت مجموعه بقى من المتخصصين فى الهز عشان يحلوا البنات تهز
خدوا عندكم
الراقصه المعتزله نجوى فؤاد
المخرج سيمون أسمر
مدرب الرقص المصرى اللى مشرفنا ورافع أسم مصر عاليا ظاظا
مدربة الرقص نادره عساف
واخيرا ايليا زيدان
يقدم البرنامج الممثا يوسف الخال
على أنفام الفرقه الموسيقيه بقيادة ايلى العليا
وسمعنى يابنى سلام صعبت عليا نفسى
-تحيا الوحده العربيه -
طبعا كل العرب اخوات اخوات
وعشان أحنا بنحب الوحده العربيه جمعنا كل البنات من سوريا ولبنان والمغرب وتونس ومصر والخ
عشان أيه؟
عشان يهزوا .....أيوه كده شطار
هنلاقى بقى معانا ... ساندرا من سوريا
ماريا من لبنان
سهام من المغرب
وطبعا العالم بقى قرية صغيره
جبنا اخواتنا الاجانب يهزوا شويه
هنلاقى معانا ماليكا من روسيا
ليلى من اوكرانيا
ملحوظه رفيعه بقى
الحلقه اللى أتفرجت عليها كان فى واحده مش فاكره أسمها الست نجوى فؤاد قالت فى حقها كلمتين زى الفل الخلاصه منهم أنها بترقص كويس
طبعا البنت كانت فرحانه جدا وشوفوا بقى الكلمتين اللى قالتهم
هى كانت تونسيه
قالت أنها جت عشان تهز أسم بلدها ....قصدى عشان ترفع أسم بلدها عاليا
وبتشكر الست الوالده عشان هى اللى علمتها تشطح بالعصا ....يعنى ترقص بالعصايه
والله كتر خيرها الست الوالده
وانا من موقعى هذا أحب أعقم على نقطتين
يا حلوين يا قطاقيط أنتوا مش محتاجين تعملوا مسابقه عشان تهزوا ...سورى قصدى ترقصوا
عندكم الفيديو كليب طول النهار والليل
والكبريهات مفتوحه على مصرعيها روحوا هزوا فيها
وأنا مستنيه رأيكم فى الهز ..زقصدى فى البوست
سلاموز
بجد وقفت فتره قبل ما أكتب البوست ده مش عارفه أبدأ البوست ده أزاى
كنت بقلب فى القنوات ولقيت نفسى وقفت عند قناة ال بى سى
منتظره أشوف فيلم أو مسلسل أو أى شىء من هذا القبيل
مكنش فى ولا فيلم ولا مسلسل ولا حتى حلقة كرتون
كان فى صدمه
45 comments:
:D:D:D:D:D:D:D
هي دي المسابقات ولا بلاش
حسبي الله ونعم الوكيل
هي دي يعني المسابقات اللي ممكن ترفع اسم البلد على واحده ونص
ايه الهبل ده !!!!ا فعلاً لو على مسابقات الرقص ده احنا ناخد جايزه جامده أويي كفايه بس يشوفو أي فيديو كليب وهيعرفو قد ايه في مواهب
يالهوووي هي الناس دي بتفكر ازاااي !!ا
واللي فرحانه أوي بوالدتها دي قال يعني علمتها حاجه كويسه :@:@:@
حاجه تقرف وتفرس وتغيظ
بيفكروني بمسابقة ملك جمال مصر
Mr. Egypt :D:D:D
أخص عليكى يارحاب
دى مسابقه لاحياء تراث الرقص الشرقى على راى نجوى فؤاد
هو الرقص محتاج احياء ولا فيزياء
ده محتاج جاز ويتولع فيه
ميرسى لزيارتك
صديقى الجميلة هند
روعة بجد
اسلوبك جميل اوى
شر البلية ما يضحك
بجد حاجة تبكى وتحزن ان حالنا وصل لكدة
على رأيك مش كفاية كل بنات الكليبات بتهز
لأ كمان بيدعمو موقف الهز بمسابقات
حسبى الله ونعم الوكيل
صديقى اللدود أحمد الصباغ
عجبتنى أوى بيدعموا موقف الهز دى
فعلا موقف العز مهزوز اليومين دول ومحتاج تدعيم
ميرسى لزيارتك
معلش بس انا لي حق عرب في البوست ده
ومش هقبل باقل من عزومه في بينوس كافيه او كوستا كافيه او حتى كيس نسكافيه
وده لانك قلتي جملتي .. سلامووز
نرجع بقى للموضوع
الحقيقه وفي الواقع .. الوطن العربي ككل .. يهز على انغام الاحزان اللي مبهدلاه
وبعدين فيها ايه يعني لما يجيبو بنات الوطن العربي ويهزو
بطلو رجعية بقى
ده فن راقي يرتقي على مستوى اي شبهات
وعلى رأي الحاجه فيفي عبده .. ده شغل .. يعني عمل .. والعمل عباده
عجبني قوي منطق تسمية البرنامج .. باعتبار ان الجنس ناعم ناعم .. والجنس الخشن خشن
يبقى اتوقع ان يبقى في برنامج منافس وهيكون اسمه
هزو يا خواشن
سلامووووووووووز
هي ناقصة رقاصات؟؟
تعرفي أنا نفسي يعملوا مسابقة "الإنسان" يجيبوا ناس كتير بيدعوا إنهم ينفع يتقال عليهم إنسان وأما نشوف مين اللي هيكسب؟؟
مع أطيب تمنياتي بـ.. مش عارف بإيه لكن أطيبها وخلاص
تحياتي
sooooo
أنت تطلب الحق اللى أنت عايزه
أما بقى أن اوطن العربى كله بيهز على انغام الاحزان فأنا معاك
لكن مش معنى كده أن الشعب يهز والبنات تهز
تهز كرمتها وتهز أسم بلدها وتهز الهدوم اللى هى مش لبساها ونقول ده فن
فن ايه اللى أنت جى تقول عليه
تحياتى ليك
الاستاذ
ميرسى أوى لزيارتك
وأنا والله رأيى من رأيك هو احنا ناقصين رقصات
ما كفايه اللى بنشوفه كل يوم
مفيش حد بيغنى دلوقتى
كله بيهز
وهزى يا نواعم
انتى يا بت يا هندودة مش عندك امتحانات
تقفى ليه وتستنى تتتفرجى على فيلم ولا مسلسل
اهه عقاب ربنا نزل عليكى وجابلك هزى يانواعم
وبعدين ماله البرنامج
ماهو برنامج ثقافى حضارى ويعتبر عن حق ملتقى الحضارات المختلفة
ويعبر عن افكار تقدميةعلوية منفوخة وافكار خلفية تحتية منفوخة برضه
خشى يا بت ذاكرى وسيبك من هز يا وز ده
لما انتى تتفرجى على هزى يا نواعم امال انا اتفرج على ايه
على نشرة اخبار التاسعة
خشى يا بتى ذاكرى وبلاش مسخرة
قال هزى يا نواعم قال
صحيح شوفتى البت اللى كانوا مصورينها يوم الخميس اللى فات من منظور افقى
البت دى جامدة جامدة جامدة
اختك خيخة
ههههههههههه
والله يا خيخه يا اختى أنا مشوفتش البت أم منظور أفقى دى أصل أنا مش متابعه المسيره بتاعتهم
وبعدين أنا فعلا عندى أمتحانات بس انا كنت عايزه ارفه عن نفسى شويه
مهو الكبت وحش بردو
سيبك انتى وحشانى موت والله
الصورة اللى انت جايباها دى اللى فيها صف الرقاصات أو خط انتاج الرقاصات صورة معبرة جدا .. الرقاصات واقفات إيه .. انتباه من بتاع الجيش .. صباح الإلتزام
و لا الشعار ... شعار عبقرى ... معبر بشدة
بس معلش.. احنا لازم نفرق بين رقص الفيديو كليب و الرقص البلدى .. الرقص البلدى دة رقص عريق .. له أصوله و قواعده .. أما رقص الفيديو كليب .. فأى هبل و خلاص
يا سلام يا اولاد .. هى دى الوحدة العربية و لا بلاش ... أنا حاسس بالفخر
أيام الكلية بتاعتنا . كنا فى المعمل عشان نفرق بين زنبرك و التانى كنا بنقيس حاجة اسمها "ثابت القوة للزنبرك" .. يا ترى بقى هم هايفرقوا بين كل رقاصة و التانية إزاى باعتبار إن الرقاصة هى زنبرك آدمى ؟؟
و لا حول و لا قوة إلا بالله
ابن حجر العسقلانى
حلوه أوى خط أنتاج الراقصات دى حسستنى بأنه خط أنتاج لبن
بس طبعا اللبن نعمه ميصحش نقارنها بدول
وأنا زيك حاسه بالقهر
سورى بالفخر
أهو على الاقل لقينا حاجه نجمع العرب حواليها
تحياتى يا باشا
حسبي الله ونعم الوكيل ده ان دل على شي فهو يدل على دماغ فاضية وعقول مصدية وبهزي يانواعم هنعرف نجيب حقوقنا كلها
بصى انا
اهو داخل على تقفيل ال30 قرن
وعمرى شوفى عمرى ماشفت بنى ادمين
متمسكين بحقهم فى دخول جهنم زى الناس بتوع الزمن دة
يعنى زمان من كام قرن كدة
كان لما الواحد بيعمل خلطة صغيرة بيفضل قاعد فى بتهم بتاع سنتين تلاته
عشان خايف من عيون الناس
هى اه الناس مبتعرفش ومببسلهوش
بس لانه عارف انه عمل ذنب
بيبقى الخوف متملكه للدرجة انه خايف من عيون الناس وبيبقى حاسس ان الناس كلها عارفه هو عمل ايه
لكن الزمن دة احيييييييييييه
اكتر الناس بتعشق حاجه اسمها جهنم نفسها تدخلا بس مش عارفه تعمل ايه
كل ما يعمله ذنب
يطلعلهم عمونا المفتى ويحلله
قلعه الحجاب
طلع شيخ قالهم مش حرام
لبسه محزق وملزق
طلع واحد وقال هو دة الايمان والتقوى
دخله فى الزنا وسموه جواز عرفى طلع نص الشيوخ وقاله حلال حلال حلال
حتى الرقص
الى تقريبا بيجمع مابين الكبائر كله
ماعدا القتل
برده طلع شي وقالك دة ترفيه عن النفس
وربنا بيغفر الذنوب
وهما بيفرحه الناس وبيخليهم يضحكوا
قال بيضحكواقال
الشيخ دة شكله دة محضرش افراح
لانه لو كان حضر كان شاف
ال...... كلام كتير بيحصل ومش حينفع اقوله
ياله
هز ياوسط وشغل الهزاز على العالى
بكرة حتتشوى مع الوز
وحتدخل جهنم من الباب القدامانى
واسف لو طولت
هند
انتى مش عندك مذكره
وعندك امتحانات
تتفرجى ليه على هزى يا نواعم
بس
اسمعى
يكون فى علمك
الهز ده مش عيب
انا عن نفسى بهز
واختى بتهز
والبت خيخه بتهز
ووالدتى كانت بتهز
والبنت دوبا بتهز
لا
استنى
احنا بنهز المولود يوم سبوعه
وحلاقاتك برجالتك
اما هز الوسط
ملناش فيه
وكل سنه وانتى طيبه
happy feast
full of meat
friends meet
relatives greet
clothes gdeed
money bel3abeet
afrah w zagharit
w tarabatateeeet
كل سنة وانتى طيبة بمناسبة عيد الاضحى المبارك اعاده الله علينا جميعا باليمن والبركات
الله يهديهم اللى بينشروا قلة الادب فى العالم الاسلامى
حاجةتقرف الحقيقة
وبعدين قناة ال بى سى دى بالذات بتجيب برامج غرييييبة ووحشة جدا
فاكرة البرنامج اياه ده بتاع الولاد والبنات اللى بيظبطوا بعض وصاحيين نايمين عايشين مع بعض
حاجة تكسف والله
ياللا ودى كانت اول زيارة لمدونتك الرقيقة وان شاءالله ماتكونش الاخيرة
واتمنى نتعرف على بعض اكتر
تحياتى
شيماء
كل سنة وانتى طيبة ياهندودة
انا جيت بس علشان ادحرج التهانى
اختك خيخة
بيبو
مش عارفه أقولك أيه بس أعتقد أن كل واحد بيهز بطريقته
فرنسا حبيبتى
أنا لسه قايله لبيبو كل واحد بيهز بطريقته
بس سيبك أنتى وحشانى
زعيم كمورا مورا
منورنى يا معلم
وعجبنى شغل الهزاز على العالى دى
بس مين الشيخ ده اللى حلل الرقص؟
انا اسفه طبعا انى سميته شيخ
ده اسمه حاجه تانيه بس بلاش عشان الرقابه
شقاوة شعب
أتشرفت أوى بزيارتك
فاكره أنا أنتى قصدك استار اكاديمى والست رولا سعد كانت فرحانه بالتظبيط اوى
على راى الاخ ريكو
هزيها بشويش بشويش وخلى الشعب يعيش
بنت خيخه واى كلام
كل سنه وانتى طيبه
والله فرحانه انك سالتى عليا
ههههههههههههههههه
كويس ان لقيت ناس تانيه مفقوعه م اللى بيحصل ده زىى
ده بوست انا كتباه ع نفس البرنامج
http://dragd3banota.blogspot.com/2007/12/blog-post.html
بس انتى كتباه باسلوب جامد جدا
تحياتى
أنت تطلب الحق اللى أنت عايزه
أما بقى أن اوطن العربى كله بيهز على انغام الاحزان فأنا معاك
لكن مش معنى كده أن الشعب يهز والبنات تهز
تهز كرمتها وتهز أسم بلدها وتهز الهدوم اللى هى مش لبساها ونقول ده فن
فن ايه اللى أنت جى تقول عليه
تحياتى ليك
على فكره انا كنت باتكلم بهزار
ومش معنى كلامي خالص اني مع الهبل ده ولا مع الهز ده باعتبار انه فن
والدليل على اني كنت باهزر اني استشهدت بكلمة لفيفي عبده لما قالت ان ده عمل والعمل عباده
وباعتذر لو كنتي اسأتي فهمي او لو كنت اسأت التعبير
وكل سنه وانتي طيبه
سلاموووووووووز
فينك يا هند ؟؟؟؟؟؟
وحشتينى جدااااااااااا
يا دودو خليكى فاكرة ان لو كل حد عزل عشان تحتيه واحدة رقاصة..البلد كلها هتبات ف الشارع :D
وحشتينى قد الدنيا :)
تصحيح الى قال وطبعا الجنس الناعم ناعم والجنس الخشن خشن كان سمير غانم فى فيلم الجواز على الطريقه الحديثه
ثانيا: التعليق على البوست ادينى فى الهايف احبك يا فننس ماهى الشعوب العربيه مش طالبه غير الهايفه فى برامج الواقع من اول ستار اكاديمى وسمعنا صوتك الى انجبت اصوات ما انزل الله بها من سلطان فى اروباء بيعملوا برامج لاكتشاف المخترعين واحنا بنعمل مسابقه للرقصات يعنى قال الوطن العربى محتاج
د/اجدع بنوته
نورتى وهشوف البوست بتاعك وهتلاقى كومنت ان شاء الله
soooooo
انا مضايقتش خالص من كلامك ولا فهمتك غلط وعارفه انك بتهزر
واللى كتبته ده كان مجرد تعليق مش اكتر
كل سنه وانت طيب يا احلى سوووو
فرسنا
أنتى وحشانى أوى يا حبيبتى والله
بس أنا فى أمتحانات
معلش أعذرونى
رناااااااااا
وحشانى اوى اوى اوى اخر حاجه والله العظيم
هههههههههههه
بس حلوه على كده بقى البلد كلها بتهز
أدعيلى يا رنا أنا بمتحن
رئيس جمهورية نفسه
عندك حق والله احنا مبنعرفش نعمل حاجه غير اننا ناس تافهه
بس متهيالى ان ده مقصود عشان ننشغل بالحاجات دى ونسيب المواضيع اللى فعلا مهمه
للاسف البرامج السخيفه اصبحت ظاهره في مجتمعاتنا العربيه
هنووووووووووود
انا جيت تانى
بس المرة دى جيت اتطمن
واقولك انى بدعيلك من كل قلبى عشان امتحاناتك
واقولك انك وحشتينا اوى
وكل العيال البلوجرية بيسألو عليكى
طمنينا عليكى
وربنا يوفقك
barrak
مجتمعنا بقى مليىء بالظواهر السخيفه
نورت المدونه
الصباغ
صديقى اللدود
أنتوا والله وحشتونى أكتر معلش أعذرونى
وأدعولى
هند أنا جيت وبعدين انتى قاسيه ع الناس كده ليه يابنتى ده نوع من أنواع الفن اللى أمثالنا مبيقدرهوش وهما دول بقى الناس اللى بيقدروه وهما دول اللى جايبينلنا الكافيه وطبعا بقيادة العبقرى اللى مجبتوش ولادة المخرج اللى الهى يخرج منها خالص ويريحنا من افتكاساته سيمون أسمر....أسمر ومنيل بعيد عنك أزمال لو كان أبيض كان عمل فينا أيه
يلاااااا ربنا يهدى كل عاصى ويهدينا ويتولانا برحمته
مستجده
منوره يا قمر
فعلا واضح أن أحنا مبنعرفش نقدر الفن
معلش بقى
____0000000000______0000000000_____
__000________000__000________000___
_000___________0000___________000__
000_____________00_____________000_
000________Happy New Year______000_
000_____________FOR____________000_
_000____________ALL___________000__
__000________________________000___
___000___Ahmed Al-Sabbagh___000____
_____000__________________000______
_______000______________000________
_________000__________000__________
____________000____000_____________
______________00__00_______________
________________00_________________
________________ 0 ________________
أحمد الصباغ
أيه الجمال ده يا أحمد
عمرك ما بتنسى حاجه أبدا
طول عمرك جميل يا أحمد والله
كل سنه وأنت طيب
ههههههههههه
هههههههههههههههههه
ههههههههههههههههههه
اسلوبك رهيب و الله
هههههههههههه
عجبتني بتاعه مامتها دي
:D
سمعني نفس السلام
صعبت عليه نفسي
:\
والقادم أجمل
أى خدمه زرونا تجدوا ما يسركم
سمعنا يابنى السلام تانى وتالت ورابع عشان خاطر القادم اجمل
ايوةةةةةةة انا عارفه ظاظا ده كنت بشوفه وبصراحه كنت ب............... بلاش بقى علشان الناس متقرفش اما بقى البورنامج الهايل ده شوفته اه والله لما كنت بتجول بمركبتى الفضائيه وزى ما قولت لكى رميت التليفزيون من البلكونه ونزلت جبته تانى ايوة ما هما دول اللى هيرفعوا اسم بلادهم فى سوووووووورى يا جماعه قله الادب والوقاحه ايه يعنى لما نرقص بس فى بيتنا لان اولا الرقص رياضه جدا للبنات خاصه وكمان بيطلعك من اى مود وحش بس مش معناه انى اروح اعرض جسمى فى التليفزيون
appy
على فكره أنا بحب الرقص جدا
وزى ما قولتى بيطلع البنات من اى حاله وحشه
أنا أختى بتدرس علم نفس
وقالتلى أن الرقص بيعالج الاكتئاب
هى اللى قالت أنا ماليش دعوه
بس زى ما أنتى قولتى مش معنى أنى أحبه أنى اروح أعرض نفسى فى التليفزيون
وكأنى واقفه فى سوق الجوارى
ميرسى لزيارتك نورتينى
Post a Comment