مرسى أبن الزناتى أتهزم يا مينزززززززز
بالانجليزى
بس مش مرسى اللى أتهزم أنا اللى أتسرقت يا رجاله وبالعربى
أمبارح أثناء رحلتى فى المدونات روحت مدونة أخف دم وكان كاتب بوست قديم عن مواضيعى وقصايده اللى بتسرق
أنا بقى نفشت ريشى وقلت أكيد اى خاطره كتبتها متسرقتش عشان أنا أصلا عيله وبخرف زى ما أنتى عارفين
عملت سيرش عند عمنا جوجل وكتبت فى من أنا اللى كنت كتباها فى بوست عيله وبتخرف
وملقتش حاجه فرحت أوى قلت أيوه كده مهو مين هيسرق عيله وبتخرف زيى
قلت طيب أجرب تانى كتبت جمله كامله من الخاطره العبيطه اللى كنت كتباها واذا بالمفاجأه تصيبنى بالدوار واحد عبيط كاتب الخاطره كامله
كلها والله كلها ومسميها محدش يستاهلك يا قلبى
يا أخى كتك وجع فى قلبك يارب وتتقطع أيدك اللى سرقت بيها حاجاتى
مش عشان أنا بت مقطعه السمكه طرنشات وديلها حلقات ومفيش منى اتنين لاء أحنا أتفقنا من الاول أنى عيله وبخرف
لكن علشان بجد كل كلمه كتبتها سواء كانت فى بوست او غيره او حتى كتبتها فى كتاب ولا ورقة لحمه وأنا قعده بزاكر كانت طالعه من قلبى بجد
لما كتبت من أنا ده مكنش من باب الابداع لاء ده كان عشان فعلا أنا فى الفتره دى مكنتش لاقيه نفسى
من أنا دى أنا كتبتها زماااااان على منتدى هانى حسين بتاع استار أكاديمى الله اعلم بقى الامور اللى خدها خدها أمتى ومنين
حبيت بس أقولك كل واحد يحافظ على حاجاته وأى حاجه بيكتبها مينزلهاش عالنت مالها البوستات العاديه اللى أحنا بنكتبها
وعلى فكره مش لازم نكون كتاب عظماء عشان نخاف على حاجتنا كفايه نخاف عليها عشان هى بتعبر عننا وعن حاله عشناها عن كل كلمه فيها حته مننا سواء كانت حلوه او وحشه غلط أو صح
كفايه بس أن أحنا فيها وشخصيتنا مرسومه بين سطورها
وفى النهايه عايزه أقول حسبى الله ونعم الوكيل ويارب ايده تتقطع اللى ياخد حاجه مش بتاعته من أى حته وينسبها لنفسه يارب
Monday, April 7, 2008
أنا أتسرقت يا رجاله
Posted by 3ala asm masr at 6:15 AM
Subscribe to:
Post Comments (Atom)
45 comments:
اهو دة اللى كنت عاملة حسابه
بصى يا دودو احنا نتفق فيوم تيجى ونروح سوا الشهر العقارى نسجل المدونتين
اه والله جد
ع اى حال وحشتييييييييييينى قد السما والارض زى ما كنت بقولك زمان فى الايام الخوالى
ادعيلى يا دودو خلاص فاضل شهرييييييين بس :)
كلنا لها بقي المهم في حاجة اتسرقت تاني
تحياتي ليكي
طيب ما تقولى مين ده هو مدون ولا ايه سيبينى عليه بس قولى
الحمد لله انا بكتب حاجات تودى فى داهيه محدش هيجى نحيتى ههههههههههههههه
بس بجد هاتى اسمه وهتشوفى اعمل فيه ايه
الا يا بنت انتى فكرتينى هو مش احنا بنات ليه تقولى اتسرقت يا رجاله يا نهار عليكى طيب انا ماشيه وزعلانه منك بقى
كلنا لها
وبعدين أصلا البلد كلها مسروقه هاتيجي عليكي أنتي ومش هاتتسرقي
:)
بس أنتي لازم تقولي علي المدونه اللي سرقتك علشان نعمل الواجب مع صاحبها
:)
تحياتي
هو ايه الحكاية
هو انا كل مادخل مدونة الاقى صحابتها بتشتكى من السرقة
انا كنت عند لماضة لاقيتها برضه زعلانة اوى علشان حد سرقها
هاقولك نفس ردى عليها
اللى ينشر حاجة على النت لازم يتحمل المجازفة يا هندودة لان اى حد معرض للسرقة
انا اتسرقت قبل كدة كنت كاتبة قصيدتين بس بصراحة انا كنت الاول نشرتهم قبل ما اعمل المدونة وماكنتش كتبت اسمى بناء على طلب هانى
واتسرقوا القصيدتين وضافوا عليها حاجات وقالوا بتاعة حد تانى
وعادى زعلت شوية واتقمصت وبعد كدة غلطت نفسى من الاول علشان سمعت كلام هانى ونشرتهم من غير اسمى
المهم مش عايزاكى تزعلى
واعملى حسابك انك معرضة ان حد ياخد حاجاتك وينسبها لنفسه
انا برضه لاقيت البوستين بتوع الحريمى والرجالى حد واخدهم ونشرهم فى احدى المنتديات بس بصراحة كان كاتب انهم بتوعى وذكر اسم المؤلف اللى هو انا يعنى
متزعليش نفسك يا هندودة
تحياتى ليكى
اختك خيخة
rana 3amra
وحشتينى اخر حاجه يا حبى والله
انا اللى نفسى امتحاناتك تخلص عشان نتكلم كتير زى الاول
وحشتينىىىىىىىىىىىىىىىىىىىىىىىى
شاب نفسه يحقق نفسه
لااااااا لا يلدغ مؤمن من حجر مرتين خلاص اكتر من البوستات العاديه مش هكتب
ولا تزعلى نفسك يابنتى
هى صحيح حاجة تغيظ وتحرق الدم انا كنت برضه دخلت مدونة اخف دم وكان كاتب موضوع السرقة ده بس ده الطبيعى على النت المفروض تتوقعيه
عموما لو هو سرق الكلام فهوا ماسرقش احساسك بيه وده الاهم
تحياتى
appy
مهو للاسف مش مدون
ده انا حتى جيت اكتبله تعليق معرفتش
على فكره يا ابى انتى ظلمتنى انا قلت انا اتسرقت يا رجاله عشان الرجاله هما اللى يدخلوا فى الخناقه ولا اضربوا يبقى احنا فى السليم
فهمتى بقى؟
يعنى ده كمين
الشارد
يا سيدى البلد عندها ثروات تتسرق لكن الكلمتين الكحيانين اللى بنتكتبهم كمان هيتسرقوا ؟
بنت خيخه واى كلام
يا خيخه والله انا كنت منزلاها باسمى لكن فى ناس كده معندهاش ضمير وبتستخسر تكتب منقول حتى بلاش باسمى بس يكتبوا انها منقوله
تحياتى ليكى يا ام شريف
totaaaa
عندك حق بس مين اللى هيفهم الكلام ده
تصدقي اني اكتشفت اني مقصر في حقك ومش باجيلك كتير
ازيك يابنتي وازي الحياه معاكي
شوفي ياستي
تقريبا لو قريتي ردي على لماضه في الموضوع بتاعها هتفهمي قصدي من التعليق اللي هقولهولك
اللي هو
استفيدي من النقد الموضوعي للي كتبتيه واتسرق منك
شوفي رد فعل الحياه عامل ايه
مش هقولك ماتحرقيش في دمك ولا بتاع
لانه طبيعي .. واحده اتسرقت .. هتحرق شمعه في جامع السيده نفيسه مثلا
بس في المطلق
لو جيتي وكتبتي حاجه وخايفه عليها قوي .. خاطره او قصيده او قصة قصيره .. عليكي وعلى الشهر العقاري
سجليها مش عارف ببتاع تلاته جنيه
وبعد كده نزليها في اي مكان باسمه الحقيقي .. ولو حد سرقها ساعتها
ارفعي قضيه وانتي متطمنه وفي بطنك بطيخه صيفي
يا هيتقفل الموقع الي هو ناشر عليه الكلام وهتاخدي حقك الادبي ساعتها .. يا اما بقى تهزأيهم بالطريقه
وانا عن نفسي باحب التهزيء بالطريقه
حلو قوي الطريقه دي
سلاموووووووووز
طب واللي يسرق موضوع ده
حده في الاسلام ايه
قطع مدونته
؟؟؟؟؟؟؟؟؟؟؟؟
ربنا ياخدهم اللي بيسرقوا الافكار
بس انا لو مكانك
كن هزأته وعرفته قيمته
لو هو مدون حدثى البوست وحطى لينك مدونته واحنا نروح نقطه طرنشات
على فكره اول كومنت فيرس ياريت تشيليه
لا إله إلا الله
الموضوع ده ماله منتشر اليومين دول ليه كده
المهم عايزة اقولك حاجتين
اول حاجه الشخص اللي بياخد حاجه مش بتاعته ربنا هيحاسبه و كفاية شكله قدام نفسه , فأدعيله بأن ربنا يهديه متدعيش عليه
انا عارفه الموضوع مستفز و خنيق بس علشان تبقي انتي الأحسن
تاني حاجه
الحاجه اللي بتتسرق بيبقي معروف مين صاحبها الاصلي و بيبقي عليها التاريخ اغلب المدونين بيكونوا عارفين ده
فمتضايقيش نفسك يا جميل
:)
soooo
أنا حاسه انى الخواطر بتاعتى مش جامده اوى لدرجة أنى أسجلها بس دى حاجه أنا حسيت بيها عشان كده زعلت أنها أتسرقت
منور يا باشا
أنا أنسان
والله كنت عايزه ا‘مل كده وجيت أكتبه كومنت معرفتش
وللاسف هو مش مدون
رئيس جمهورية نفسه
مهو لو مدون كنت عرفت أ‘عمل حاجه لكن هو مش مدون
bongo
مهو لما بيبقى الواحد مضايق مش بيفكر فى انه يكون احسن او اوحش
ميرسى يا قمر على الزياره واكيد هزورك قريب
معلش اتخن تخين بيتسرق هنعمل ايه هى الدنيا كدة تحياتى لكى
القلب الطيب
القلب الطيب
عندك حق هى الدنيا كده
انتشررررررررر اوى الموضوع ده
ربنا ياخدهم ياااااارب
اى حد ياخد اى فكرة او مجهود حد وينسبه لنفسه بسلامته
..................ز
انتى فين يابنتى اخبارك ايه وحشتينى
يارب تكونى بخير
معلش مفيش ضمير عند حد دلوقتى
ربنا يعوض عليك
تحياتى
ريهام
معلش مفيش ضمير عند حد دلوقتى
ربنا يعوض عليك
تحياتى
ريهام
دى حركه وحشه اوىىىىىىىىىى
وبتوجع وتضايق بس معلش متزعليش نفسك
انا مع كلام خيخه وسووووووو
ووحشانى يا جميل
ومتزعليش
سلامى
انا مش عارفه بجد اللى بيسرق حاجه زى كده مش بيكون مكسوف من نفسه
اكيد ده حد مريض فعلا
حسبى الله ونعم الوكيل
تعرفى قلقتينى لما اروح اجرب اشوف حد علم على مدونتى ولا لسه
الموضوع دا بأه عادي جدا
فعلا زي ماتقال
حتى الأدباء الكبار أوي بيتاخد أعمالهم
بس يكفيكي شرفا
و فرحا و حاجات تانية حلوة
إنك حستيها و إنتي بتكتبيها
:)
د/ اجدع بنوته
بلاش ياخدهم خليهم وخلاص
انت كمان وحشانى اوى
ريهام محمود
ربنا يعوض علينا كلنا
shayma
انتى كمان وحشانى مووووووت
وعشان انتى جيتى انا مش زعلانه
ra7eel
فعلا مريض مستنى اى حد يقوله كلمة اعجاب
والقادم أجمل
عندك حق يكفينى اللى حسيته وأنا بكتبها
شكرا على مرورك على مدونتي المتواضعه
وموضوع السرقه ده أنا لسه كنت بفكر فيه بس يا ترى إيه الحل؟
هو ده مشكلة النت ماعلش
ماتزعليش نفسك
ربنا لا يسامحهم اللصوص
نفسي أعرف حاجة يعني الحاج جوجل واضح انه صاحي وبيكتب كل حاجة ماحدش ابن حلال يبلغ باللي بيتسرق ليه ؟
لا عادي
بتحصل كتير جدا
مرة مجلة teen stuff
اخدت صور احمد حداد ونشرتها
بس للامانة رجعوا اعتذروا
هي دي مشكلة التدوين
تقريبا مفيش حقوق ملكية
اعتزلتى الكتابة ولا ايه ياهند
هههههههههههه
ماشي يامرسي عسوله بجد
انا برضه كنت بكتب في حته تانيه
واتنشلت ناشله ما بعدها نشله
بس علي مين باسورد في عضويه
في كل حته في مواضيعي
وعملت فضيحه للنشال بجلاجل
فرجت عليه الشبكه العنكبوتيه
وزي ماانت قلتي مش عشان احنا مبدعين
ولا عباقره بس عشان الحاجات دي هي احنا
السلام عليكم ورحمه الله وبركاته
آختى الكريمة
لما أراك لم تشاركي معنا في حملتك إلى الآن ؟
أختى الكريمة : هي حملتك هي لغتك ولغتي أذا لم نحافظ عليها نحن ونعمل على نشرها فمن يفعل ذلك ؟؟
أنا لا ادعوا إلى المثالية فى استخدام اللغة والأمر مفصل بالموضوع بالمدونة
وهى ليست دعوا لفرض قيود على كيفية التعبير عن الرأي فلك مطلق الحرية في هذا
أختي الفاضلة أن مشاركتك في هذه الحملة سوف يكون احد أسباب نجاحها ونشر لغتك
ندعوا إلى الاعتزاز بلغتنا ..أعلم انك تعتز بها ولكنى أدعوك الآن إلى نشر الأمر بين كل من تعرف وكل زوار مدونتك التي تدون بها وكل المنتديات التي تشارك بها
إلا أذا كنت غير مقتنع بالفكرة والحملة فلك مطلق الحرية في هذا واعتذر أذا كنت أطالت عليك
والسلام عليكم
يا رب يا رب يا رب
Post a Comment