نفسى أعيش براحتى

أيه اللى ممكن يحصل لو عشت حياتى براحتى مدام مش بعمل حاجه غلط ومش بأذى حد
متهيألى مفيهاش حاجه أبدا
أيوه أنا مش عارفه أعيش حياتى براحتى
عايشه فى عالم محاصر بعيون الناس وكلام الناس
الناس اللى هما اصلا كلهم اخطاء بس هنعمل ايه بقى لازم يعلقوا على اخطاءنا احنا أو اللى هم شايفين انها أخطاء
نفسى لما أزعل أدخل اودتى وأقفل على نفسى وأزعل براحتى
حقى من حق كل مواطن أنه يزعل
من غير ما اضطر أن أقدم مبرر عن دخولى اودتى وعزلتى فيها
أو اتناقش نقاش مينتهيش فى اللى مزعلنى
نفسى لما أفرح أضحك بأعلى صوتى وأجرى وأتنطط
نفسى لما أتجرح أبكى من غير ما أخاف أن حد يشوف دموعى ويجيى يطبطب عليا
نفسى لما أحب ارقص أرقص من غير ما أتكسف أن حد يقول عليا أنى اتجننت
نفسى أمشى فى الشارع وأغنى
نفسى لما أسمع فيروز انفعل معاها براحتى
أضحك لما صوتها يضحك
أبكى لما صوتها يبكى
نفسى أقول لكل الناس أنى بحبه
متهيألى أن من حقى اعيش حياتى براحتى

فنجان قهوه

رغم كل الصخب والضجيج من حولى أنزوى داخل غرفتى على مقعد خشبى ممسكة بفنجان من القهوه

ويأتينى حديث أصدقائى عبر وميض الشاشه

لطالما أشتقت أليهم وللحديث معهم .معهم أشعر أنى داخل عالمى الخاص بى

أهمهم هى رنا كثيرا ما أشعر أننا متقاربين رغم أننى لم أراها ولو لمرة واحده لكن هناك الفة غريبه بينها وبينى

ويداعب صوت فيروز أذنى

يأيام البرد وأيام الشتا

والرصيف بحيره والشارع غريق

وطبعا كنت بفكر فيه

يعنى هكون بفكر فى مين

اشطه عليكى يا حكومه

بصوا انا بجد منن كتر خنقتنى ونرفزتى اللى انا فيها مش عارفه اكتب ايه انا هجبلكم الموضوع واسيب الرد ليكم حد يقولى حاجه
قبل ما اموت من الغيظ
قرر الدكتور يسري الجمل وزير التربية والتعليم فرض غرامات مالية علي التلاميذ المتخلفين والمتغيبين عن الدراسة بدون عذر مقبول.
يقضي القرار بتحصيل غرامة قدرها 10 جنيهات من ولي أمر التلميذ الذي تخلف أو انقطع عن الدراسة بدون عذر مقبول عشرة أيام متصلة أو منفصلة في مدارس التعليم الاساسي الرسمية والخاصة بمصروفات.
يتم فرض الغرامة في حالة عدم التقدم للمدرسة بعذر مقبول خلال أسبوع من استلام انذار الانقطاع وتتكرر الغرامة في حالة استمرار تخلف التلميذ عن الحضور كل عشرة أيام، حسبما ذكرت جريدة الوفد.
كما ينص القرار علي تحصيل رسوم قدرها 24 جنيهاً عند اعادة قيد الطالب الذي يفصل بسبب استنفاد مرات الرسوب مرة واحدة في الصف أو مرتين في مرحلة الثانوي العام والفني الرسمي والخاص بمصروفات.
كما تحصل الرسوم مرة واحدة في الصف بالنسبة للمدارس الفنية نظام السنوات الخمس وبحد أقصي 3 مرات في المرحلة.
كما ينص القرار علي تحصيل 14 جنيهاً عند اعادة قيد الطالب الذي يفصل بسبب تغيبه خلال السنة الدراسية بدون عذر تقبله الادارة لمدة تزيد علي 15 يوماً متصلة أو ثلاثين يوماً منفصلة ولا يجوز إعادة القيد أكثر من مرة في ذات السنة الدراسية أو أكثر

انا مش هعلق
انا هقول حسبى الله ونعم الوكيل
الناس مش عارفه تلاقيها منين ولا منين
مش عارفين يصرفوا على تعليم عيالهم هيصرفوا على الحكومه
لاء بس بجد اشطه