أيه اللى ممكن يحصل لو عشت حياتى براحتى مدام مش بعمل حاجه غلط ومش بأذى حد
متهيألى مفيهاش حاجه أبدا
أيوه أنا مش عارفه أعيش حياتى براحتى
عايشه فى عالم محاصر بعيون الناس وكلام الناس
الناس اللى هما اصلا كلهم اخطاء بس هنعمل ايه بقى لازم يعلقوا على اخطاءنا احنا أو اللى هم شايفين انها أخطاء
نفسى لما أزعل أدخل اودتى وأقفل على نفسى وأزعل براحتى
حقى من حق كل مواطن أنه يزعل
من غير ما اضطر أن أقدم مبرر عن دخولى اودتى وعزلتى فيها
أو اتناقش نقاش مينتهيش فى اللى مزعلنى
نفسى لما أفرح أضحك بأعلى صوتى وأجرى وأتنطط
نفسى لما أتجرح أبكى من غير ما أخاف أن حد يشوف دموعى ويجيى يطبطب عليا
نفسى لما أحب ارقص أرقص من غير ما أتكسف أن حد يقول عليا أنى اتجننت
نفسى أمشى فى الشارع وأغنى
نفسى لما أسمع فيروز انفعل معاها براحتى
أضحك لما صوتها يضحك
أبكى لما صوتها يبكى
نفسى أقول لكل الناس أنى بحبه
متهيألى أن من حقى اعيش حياتى براحتى
Saturday, October 20, 2007
نفسى أعيش براحتى
Posted by 3ala asm masr at 12:56 PM
Subscribe to:
Post Comments (Atom)
35 comments:
اول تعليق يلا الشرف الرفيع
عيشى برحتك بقتناعك انتى عايزه ايه بمحاذيرك الداخليه ما بين الصح والخطا افتكر كلمه لاحمد رجب بعد استفتاء على الرئيس العراقى صدام حسين كان جابه فيه 99%
قال يارئيس صدام فى الدنيا فى كفره ومجاوس وبوذين وعبده نار وملحدين يعنى لو عملو استفتاء على العلى القدير محيجبش 99%
الناس مش حتتفق عليكى عيشى حياتك بارادتك بمحاذيرك ضميرك بس الى يوجهك
لا طبعا مش بيتهايألك..... دا أكيد
شوفي ( وحدها الحقائق لا تبرر ) ف لو حزينة فعلا هاتكوني حزينة و مش حاجة غير كدا و لو سعيدة ... يارب
لو هاتقؤليها ف وسط كل الدنيا و مش حقيقية مش هاتكون لو ... حتى بينك و بين نفسك أكيد بتحبيه ...احنا بنعيش حياتنا بنفسنا و بناخد حقوقنا حتى من نفسنا
الحاجة الوحيدة اللي هاتحصل... انها فعلا هاتكون حياتك.. أيا كانت
سلامي ... جدا
على فكرده ده ممكن
في دولة يوتوبيا الفاضله
او اي دولة اوروبيه
رئيس جمهورية نفسى
منور مدونتى الكحيانه
انا والله براعى ضميرى فى كل حاجه بس الناس مبتسبش حد فى حاله
m.r
منورنى طبعا فى مدونتى الكحيانه بردو
والله نفسى محدش يدخل فى حياتى وتكون فعلا حياتى لوحدى
سووووووووو
والله منور وشكرا انك دخلت هذه المدونه الكحيانه الغلبانه
مش كل حاجه فى اوروبا حلوه
تحياتى
عيش براحتك بس المهم ان راحتك متتعارضش مع راحتي
فاهمني طبعا
اوروفوار
طهقانه
اطمنى طبعا اكيد راحتى مش هتتعارض مع راحتك
مهو انا بردو يهمنى راحتك
سلاموز
دوووووووووودووووووووووو
وحشانى اوووووووووى
ازيك نفسى اقعد معاكى بس ما باليد حيلة
وعيشى براحتك ولا يهمك حد مدام هما فيهم اخطاء
اينعم هايتكلمو عليكى بس من جواهم نفسهم يبقى على طبيعتهم زيك
مش متقيدين
واللى يقول حاجة يبقى مع نفسه
دى عاللم معقدة اصلا
سلااااااام يا دودو :)
دودو
نسيت اقولك لو شوفتى حد من اصحابنا سلميلى عليه اووووووووووووووى
:)
رنا حبيبتى
وحشاااااااااااااااااانى اوى يا قمر
يا رافعه معنوياتى
وانا شوفت احمد وبيسلم عليكم كلكم
طبعاً حض حضرتك
لكن إنتي عارفة الناس بقى
أنا كمان نفسي في كدة جداً لكن يبدو إن ما باليد حيحا
لكن أقدر أقولك
أنا مش هخاف م المصير ولا خايف م القدر
ومخوفتش من ماضيا لكن بخاف م البشر
قريباً هتسمعوها إن شاء الله
مع أطيب تمنياتي بإنك تعيطي في أوضتك براحتك لكن ابقى اخرجي بسرعة طمنينا على حضرتك
تحياتي
الاستاذ
منور مدونتى الكحيانه وشرفنى ردك
واضح ان كلنا نفسنا فى كده
وحلوه اوى اوى الكلمات اللى انت كتبتها
ومخفتش من ماضيا بس بخاف من البشر
اصلهم بقوا وحشين اوى
تحياتى يا باشا
السلا م عليكم
اولا
.......
انتى منوره الدنيا كلها ف الفضاء التدوينى
وتعيش طنطا حره مستقله
..................
بصر احه الموضوع جميل ان الانسان يعيش اور جانك يعنى على طبيعته من غير الوان ومحسنات صناعيه تفر ضها البيئه والمجتمع بحجج مختلفه تخرج الانسان عن مضمونه وحياته الطبيعيه وتخلق منه مسخا لايمت لنفسه بصله
.............
فلى الاخر عيشى كما انتى لا كما يحب الاخرون ان تعيشى
.......
تحيه كبيره لاهل طنطا المحترمين
يا عم عيشها براحتك محدش واخد منها حاجه
المهم خلى بالك من راحة الناس التانينين
محمد البرلسى
أنت اللى منور الدنيا كلها والله
وفعلا لازم الواحد يعمل لنفسه مميكب عشان يعجب الناس بس والله يابنى بردو مبيعجبهمش
وانا من موقعى هذا ابعث كل التحيات من كل مواطنى طنطا مواطن مواطن وفرد فرد لسيادتكم ونشكركم على تشريف مدونتى الكحيانه
والسلام عليكم ورحمة الله
لماضه
نورتينى والله فى مدونتى الكحيانه
ويا باشا انا شمعه تحترق من اجل حرية الاخرين
اه امال ايه
السلام عليكو
كلام جميل اوى
وكمان حق من حقوق كل انسان انة يعيش على حريتة وبطبيعتة
اما بنسية لعيون الناس وكلامهم دة فى كل شى لازم نتعود علية لازم نلاقى ليهم اراى فى الصح والغلط
كل الى اقدر اقولة عيش بحريتك وبطبيعتك افرحى وزعالى وضحاكى وجرى كمان مدام دة رغبتك
اما بنسبة للبوسط بتاعى عن المثليين
دة مش عيب خلقى ربنا بيقول لقد خلقنا الانسان فى احسن تقويم
ربنا خلق الانسان وكرمة وفضلة على باقى المخلوقات خلق لية عقل عشان يفكر ويعرف الصح من الغلط حتى لو خلق انسان زاى ما بنشوف برسين اومن غير عضو دة مش عيب خلقى دة عشان نشوف حكمة ربنا فى
خلقة ونشوف قدر الخالق فى ابداع الخلق
والمثلين او اللوط او السحاق دول بشر مفهمش اى تغير عن اى انسان عادى
بعكس دول كمان ربنا انعم عليه بالجمال والمال والحياة الناعمة والسعادة
ويارت يتجهو الى الله ويشكروة بعكس دول بيتجهو وراى الشهوات والمعاصى وراء الزنا
دوال المثلين الى ربنا لعنهم الى هما اللواط
شوفتى بقا الكلام خدنى وخلانى انساة اشكرك على مرورك الجميل
بجد شى اسعدنى جدا وكمان انا طلعنا بلديات ودة شى يشرفنى جدا
مع تحياتى
نفسى أمشى فى الشارع وأغنى
انا ايضا يخيل الي احيانا
انني على وشك فعل ذلك
!!!
تحياتي على الكلمات الرائعة
كرياكو
شكرا لمرورك الكريم والجميل على مدونتى الكحيانه وشرفتنى فعلا وافدتنى
اه والله افدتنى انا كنت فاكره انهم مثلا عندهم مرض او مشكله او كده وكان رايى انهم يتعالجوا وان الدوله مسئوله عن علاجهم
لكن مدام هما كده بقى يبقى يتحرقوا بجاز وانا ممكن اساعد واجيب كبريت
اما بقى اننا بلديات فانا ليا عظيم الشرف يا باشا والله
صاحب البوابه نصيحه من اختك لما تحس بده غنى
بينى وبينك انا بعمل كده بس بليز متسيحليش عشان محدش يقول انى سايكو
تحياتى
واضح اني جيت متأخره في أول مره اكتب تعليق :$
بجد انت جبت اللي جوايا بالظبط
كل حد فينا نفسه مايكونش سجين لعيون وكلام الناس حتى الناس اللي بتتكلم بس ده داء في الناس
أنا كتبت قبل كده موضوع بيناقش كلام الناس بس في قضيه معينه مش عموماً يعني
بعيداً بقى عن البوست ده بالذات بجد المدونه كلها ماشاء الله عليك
رحاب
نورتى مدونتى الكحيانه
وليا الشرف انك تمرى وتعلقى على مواضيعى
وفكرتينى باغنيه لاصاله بتقول
ليه كل الناس بتتكلم على كل الناس
ليه عايشه حياتها بتتسلى بكلام وخلاص
تحياتى يا قمر
مدونه كحيانه؟؟؟؟
كحيانه فين ولا مؤاخذه ؟؟؟
مانتي بتقولي اهه وبتقولي احلى كلام كمان
بطلو بقى التواضع ده واتغرو شويه
:D
بالمناسبه .. اوحش حته في اوروبا .. احسن من احسن حته هنا
لسبب بسيط جدا
انك وانتي هناك مابتيجيش عليكي لحظة انك بتستمعي استمتاع وقتي وبعدها هترجعي للزحمه
ولو اوروبا مش عاجباكي ياستي
عليكي وعلى يوتوبيا المدينه الفاضله .. بس الله يكرمك ماتروحيش هناك لوحدك
خديني معاكي واكسبي في ثواب
سلاموووووز
انا شاكر زيارتك لى
المجمتع المصرى والشرقى عموما ووضع محازير ومعايير للتعامل والتعبير عن المشاعر.وخصوصا للبنات
واعتقد اناحنا كثر ناس بتستخدم كلمه عيب وما يصحش والناس تقول ايه بغض النظر اذا كنا بنعمل صح او خظأ
لكن انت زى ما كتبتى
لو ما بتعمليش حاجه غلط فلا تخشى احدا
sooooo
أوعدك من هنا ورايح هتغر ومحدش هيعرف يكلمنى الا انت بس يا باشا طبعا
ولو كان ليا حظ وروحت اى مكان غير البلد دى هاخدك معايا والاجر والثواب عند الله
تحياتى
رأفتانى
أنا اللى بجد متشكره اوى لزيارتك مدونتى وبلاش أقول الكحيانه عشان سووو بيزعل
تحياتى
والله احنا كلنا عايزيين نعيش براحتنا
انا عايزة اعيش لوحدى كمان ياسلام هستريح اوى
انتى ليه كل شويه تقولى مدونتى الكحيانة مدونتى الكحيانة انتى مدونتك حلوة اوى
انا علطول بقرأ الجديد فيها يمكن مش بعلق كتير عندى صعوبة فى التعليقات الحقيقة بس قلت المرة دى اخلى عندى دم بقي واعلق
سلام
ياسمين
منورانى يا قمر
والله انا كمان ببقى مستمتعه اوى لو انا فى البيت لوحدى
بس يعنى لو معايا حد بحبه هتبقى لطيفه اكتر
اما مدونتى الكحيانه فدا عشان الحسد بقى ما انتى فاهمه
تحياتى يا قمر
عيشى براحتك...وعلى راحتك...بس برضه راعى الاخريين...وبالذات اللى يهمهم راحتك..!!
انا بقى نفسي انام براحتى واقوم من غير ماحد يصحينننننننننننى
بجد مش بهرج
للاسف مش كل حاجه عايزينها نعلمها
انتى ممكن ماتعمليش حاجه انتى نفسك فيها
بس اووووووعى تعملى حاجه انتى مش مش مش مقتنعه بيها
وتحياتى ليكي وربنا يكرمك وتلاقى الكوكب وناس الكوكب اللى تتمنيهم
تخاريف خاصه
نااااااااااااااااام براحتك اوى اوى يا باشا واللى يصحيك اضربه بالالم او شكه بالدبوس او تعالى وهو نايم وروش على وشه ميه
حبة حاجات انا الحمد لله عمرى ما عملت غير اللى مقتنعه بيه وبس وعمرى ما عملت حاجه غصب عنى
تحياتى
السلام عليكم
كلنا نفسنا نعمل جدا المشكله فى قيود المجتمع بس عيشى ببساطه وأعملى كل اللى أنتى عايزه طالما مش غلط فى الدين والتقاليد يبقى أعملى اللى يريحك انتى وبس مع أنك برضه مش هتعرفى لانى حاولت
بس حاولى أنتى كمان وأحنا كلنا كده ما تقلقيش
وآسفه أوى على تأخيرى فى الرد والزياره
حياة الاحلام
انا شايفه ان مسالة الغلط والصح دى مساله نسبيه
يعنى الغلط عندك ممكن يبقى صح عندى والعكس
يعنى مش كل تقاليد المجتمع كويسه والمفروض انفذها
نورتى يا قمر
ما دام نفسك تعيشي براحتك يبقى لازم ترجعي طفلة لان الكبار في عالمنا العربي لازم يلبسوا عباية الكبار و يمشوا يتقمعوا بيها
اقفلي عليكي الاوضة و اعملي كل اللي نفسك فيه
بس يوم واحد في الاسبوع لتتعودي على كده
هههههه
اوروفوار
تصدقى انا كمان نفسى اعيش حياتى براحتى زيك كدا تمام
المشكلة ان لو كل واحد بص فى عيوبة اكيد هينشغل عن عيوب الناس
تحياتى على البوست اللى حسيت انه بيتكلم عنى
طهقانه
ديما منورانى
بس على فكره أنا لسه صغنونه معتقدش أن أن الاوان انى البس عباية الكبار واتقمع بيها
لسه عندى 19 سنه متهيالى صغيره وحقى اعيش براحتى
ولا ايه؟
desert cat
أنا ملاحظه من الكومنتس أن دا حال كل البنات كلنا نفسنا كل واحد يخليه فى حاله
تحياتى يا قمر
عيشى براحتك اوى ياهند
مالكيش دعوة بكلام الناس
اى نعم هتسمعيلك منهم كلمتين بس اعرفى انهم هيكونوا من جواهم متحسرين وبيحسدوك لانك عايشة براحتك وهما نفسهم يعملوا زيك ومش قادرين
خايفين من كلام الناس اللى زيهم
عيشى براحتك مادام مبتعمليش حاجة غلط
وحتى لو عملتى حاجة غلط اتعلمى من غلطك وحاولى تصلحيه
عيشى براحتك
نصيحة من اخت اكبر عاشت براحتها وخدت فوق دماغها ومهمهاش حد ومن جواها مبسوطة ومرتاحة
عيشىىىىىىىىىىىىىىىى
اختك خيخة
خيخه
أنا فعلا بقيت بعمل حاجات كتيره أوى براحتى بس زى ما بتقولى أهو بنسمع كلمتين على كل حاجه بنعملها
أنا نفسى بس الناس تتغير ليه كل واحد ميبصش لعيوبه ويشتغل عليها ويبقى أحسن بدل ما يضيع عمره كله فى تتبع أخطاء الاخرين
تحياتى ليكى يا قمر
Post a Comment