بجد حسبى الله ونعم الوكيل
الامتحانات يا ساده بدأت يوم 26/5 والحمد لله عدى امتحان الادب الامريكى على خير وبعده الحضاره على خير والعربى والدراما كل ده عدى على خير
أتاريهم بقا بيرقدولنا ...اه أمال أيه بيسجدونا عشان فى الاخر يدونا على قفانا وعارفين طبعا أننا مش هنقدر نتكلم
يوم 17/6 كان أمتحان النقد الادبى ومحدش يسألنى يعنى أيه نقد أدبى عشان الاحراج بس
اللجنه كانت الساعه 10 ادونا ورق الاجابه وسطرنا والورق بقا شيك واسمنا والتاريخ وحركات واذا بورق الاسئله يتحط اودامنا
ان ان ان ان تششششششششش
هند هند هو ايه الاسئله دى
أنا : والله يا وسام ما أعرف
ياسمين : هند هو احنا هنتكلم عن ايه
أنا : أتكلمى عن مأساتك ياختى سيبونى فى حالى
واحده جمبى معرفهاش : هند هتحلى انهو سؤال
أنا : لاء سوؤال ايه انتوا مش فاهمين ده مش الامتحان أستنوا اكيد فى ورقه تانيه
واذا باللجنه تتحول الى مظاهره
ده مش المنهج
فين الدكتور
ايه الاسئله دى
ولا حياة لمن تنادى دخل الدكتور اللى بيمر على اللجان يا جماعه مش أنتوا اللجنه الوحيده اللى مش عارفه تحل كل اللجان كده اللى مش عارف حاجه يسيب الورقه ويمشى متوجعوش دماغى ومفيش دكتور هيجى يلا خلصونا
وفجأه لقيت كل الطلبه سايبه الورقه بيضه فله شمعه منوره وبتمشى
ساعتها بس ايقنت ان ده الامتحان وان مفيش ورقه تانيه ولا حاجه
طيب بس الله الرحمن الرحيم هى دى الاسئله
اه السؤال الاول
the end of poetry is pleasure
اه أنا شوفت كلمه
pleasure
دى قبل كده أحنا بقا بالصلاه عالنبى ندخلها فى جمل
وبلا فخر يا ساده كتبت صفحه ونص بحالهم وطبعا سايبه سطر عن هذه الجمله الفظيعه جدا والجديده اوى بالنسبالى والحمد لله خلصت بعد نص الوقت واصيبت بحاله من الاكتئاب وقررت انى اسلم الورقه وأمشى قبل ما يجيلى أنهيار عصبى أو تتفقع مرارتى أو أموت قبل ما أشوف أمتحان الشعر
كان معكم على أسم مصر من امام مدرج 2 كليه الاداب جامعه طنطا
Thursday, June 19, 2008
حسبى الله ونعم الوكيل
Posted by 3ala asm masr at 5:31 PM
Subscribe to:
Post Comments (Atom)
21 comments:
يا حبيبتى يا هندودة
ان شاء الله الصفحة ونص دول يكون فيهم اى حاجة صح وتعدى على خير
بس ايه سلبية الدكتور دى
ازاى يعنى يقولكم اللى مش عارف حاجة يسيب الورقة فاضية ويمشى
رغم انه شايف ان كل الجان متفقة ان ده مش المنهج
حاجة تقرف
معلش يا هندودة
ان شاء الله ناجحة برضه وهتعديها على خير
سلام
اختك خيخة
معلش
ان شاء الله الدكتور يحط في عينه حبة ملح ويقدر اللي حصل
وبعدين على فكره
في نظريه بتقول
اللي تخاف منو مايجيش احسن منه
وان شاء الله هتنجحي وهتبقي زي الفل
ربنا يوفقك ويكرمك ويبسطك ويرضيكي دنيا وآخره
روقي بقى .. ده انا بادعيلك وادان ضهر الجمعه شغال
سلاموووووووز
ههههههههههههههههههههههه
مش عارق غير اني اضحك
مش عليكي بس عل الموقف نفسه
ههههههههههههههههههههه
اداب انجليزي
اداب اداب يعني
مش انتي ذاكرتي وتعبتي ودخلتي الامتحان وكتبتي اسمك وخليتي الورقه آخر شياكه
اطمني ربنا مش بيضيع تعب حد خالص واحنا بندعيلك وان شاء الله هتعدي منها
مدام الامتحان جيه مالوش علاقه بالمنهج يبقى التصحيح هيكون مالوش علاقه بالامتحان :))
اطمني بجد حصلت معايا كتير قبل كده وكنت بحس اني بقرأ هندي أو بربري مش انجليزي وكنا بننجح رغم ان ماحدش كان فاهم حاجه
ربنا كريم... وحسبي الله ونم الوكيل
عادى ...
بصى يا بنتى... الى حصل حصل,,,والدكتور مش بيغلط ولو غلط عادى يخلط براحتة...بس متقلقيش
ادارة الجامعة هاتظبط الدنيا متقلقش ,..,,لعلة خير
بت خيخه وأى كلام
يارب يا خيخه يارب أدعيلى يا أم شريف
بس الدكتور اللى بيمر ده ملوش دعوه الحكايه كلها فى أيد دكتور الماده
soooooo
ربنا يخليك يا سو يارب والله دعوتك دى بطمنى وفعلا ماما ديما تقول اللى تخاف منه ميجيش احسن منه
وربنا كبير
foxamr
الحمد لله انى عرفت اضحكك ربنا يفرح قلبك ديما
رحاب مصطفى
والله يارحاب انا معنديش أمل غير فى رحمة ربنا لان فعلا ربنا مبيضعيش تعب حد ومش هيضيع تعبى ولا تعب أمى معايا
ربنا كبير
elgazly
يارب يكون خير وعلى رايك الدكتور مبيغلطش احنا اللى بنغلط بس
سبحان الله
ربنا يوفق الجميع
مدونتك رائعة واتمنى ليكى التفوق
ويارب يفرحك دائما ونغنى ليكى الناجح يرفع ايدة
تحياتى
هههههه
يا عينى
فى اول زيارة لمدونتك كدة؟
معلش خيرها فى غيرها ومش مشكلة لما تطلعى السنة بمادة
كل العظماء شالو مواد
ولا يهمك بس انتى كنتى تظبتى الدكتورة فى اخر ورقة وتقولى حسنة قليلة تمنع بلاوى كتيرة تعملى اى حركات يعنى مدام محلتيش حاجة
تحياتى
ويا رب تعدى من المادة دى
يا حبيبى معلش والله التعليم باظ فى مصر والناس فوتت معلش حقك علينا والدكاترة الرخمه اللى انا مضايقه منهم معلش والله وان شاء الله تعزمينا على بيبسى قريب لما تنجى يا قمر
يعلن حزب الجبهة عن عمل جلسة أدبية لعرض الأعمال الشخصية ومناقشة آخر المستجدات الثقافية بمقر حزب الجبهة بطنطا. عمارة الأوقاف الدور الثالث شارع المدارس بجوار المحطة بداية من الأسبوع المقبل.
أنا سمعت كلام عن امتحان رابعة آداب انجلش بتاع النقد من ناس كتير ... عموما طالما على الكل كده يبقى خلاص ان شاء الله خير ...
وربنا يعديها على خير ...
طارق الغنام
ياريت ياطارق والله يارب انجح
ميرسى على رايك فى المدونه واعتبرها مجونتك وتحت امرك
ahmed
والله يا احمد فكرت فى موضوع التظبيط ده بس معرفتش
appy
ربنا يخليكى يا ابى يا حبيبتى ادعيلى انتى بس
محمد هشام
ياريت يا محمد يبقا خير ان شاء الله
إيييييييه ... فكرتينى بأيام شبابى .. أيام ما كنا كلنا بنخرج من الامتحان و احنا بنلعب على ربع درجة الامتحان ... و بنتسابق مين العبقرى اللى يقدر يجيب ربع درجة الامتحان .. و أوقات تانية كان رجاء الواحد فينا إنه يجيب صفر فقط .. و ما يقلش عن كدة .. لأن ساعات كنا بنجيب درجات بالسالب .. منهم لله الدكاترة .. عملوا فينا الأعاجيب
الله يكون فى عونك بجد .. ما تقلقيش .. طالما كل الدفعة ما حلوش الامتحان يبقى بالتأكيد هاينجحوكم .. عشان إدارة الكلية أوقات كتير بترفض إنها تقبل النتيجة من الدكتور لو ناس كتير مش ناجحة .. لازم أعداد كتير تنجح عشان الكلية تعتمد الدرجات من الدكتور
اسألينى أنا ... أنا خبرة فى المواضيع دى ... و ياما لعبت درجات الرأفة فى حياتى أدوار مصيرية
أبن حجر العسقلانى
أتمنى ا، درجات الرأفه تلعب دور معايا الترم ده وتطلع جدعه وتعدينى
Post a Comment