على فكره أنا كنت محضره موضوع تانى أتكلم فيه
بس الكلام ده حساه أوى بقا ولازم أقوله
أن محدش يستاهل أنك تقف جمبه أو تساعده أو تفكر فيه أو تحبه ولا حتى أقرب الناس ليك
مهما حبيتهم ومهما فكرت أنهم بيحبوك
حقيقه ديما أودامنا وأحنا اللى مش عايزين نشوفها أن الحب والعشره والخوف والاخوه والصداقه كل ده أساطير مش موجوده
خصوصا الحب
Saturday, June 28, 2008
والله محدش يستاهل
Posted by 3ala asm masr at 4:12 PM
Subscribe to:
Post Comments (Atom)
26 comments:
لا يا حبيبى فيه ناس تستاهل متأخديش ذنب حد بحد
بس ممكن يكون الاختيار غلط او التوقيت غلط انما فيه الكتير الكويسين
انتى بس وقعتى فى حد مايستاهلش , بس ماتيأسيش فى كتر كويسين اوى وإن شاء الله هتقابليهم , تفاءلى خير وسيبك من النص الفاضى بصى للمليان
هند
حقولك على حاجه مش معنى انك وقف فى طريقك او قابلتى انسان غلط يبقى خلاص كل الناس غلط دورى قدامك حتلاقى ناس كتير تحترم واخلاقها صح وبتدى قبل ما بتاخد
العمر لسه قدامك دورى وحتلاقىة والى باعك بعيه
انا متفقه معاكى ان مش كتير دلوقت يستاهلوا التضحيه لكن للاسف وعلى الرغم من هذا فلابد وان نستمر فى العطاء...لان باختصار الانسان بيعمل المعروف زى ما بيقولوا ويرميه فى البحر يعمل الخير عشن خاطر ربنا سبحانه وتعالى
تحياتى ليكى سومه_87
أنا أولا مختلف معاكى ... لكن انت فكرتينى بعبارة للفيلسوف الفرنسى جان بول سارتر بيقول فيها:"الجحيم هو الآخرون"ا
بس احنا بقى نخلينا زى النخلة .. الناس تحدفها بالطوب.. و هى تحدف لهم بلح
مش كدة ولا إيه ؟؟؟؟؟؟؟؟؟؟؟؟؟؟؟؟؟؟؟؟؟؟
appy
والله ما عارفه مين اللى غلط بالظبط
زى الهوا
أنا موقعتش فى حد ميستاهلش ولا حاجه بس هو فى حاجه غلط أيه هى مش عارفه
رئيس جمهورية نفسه
هو مش غلط بس فى حاجه هى اللى غلط
سومه
كويس أنى لقيت حد متفق معايا بس أحنا مش ملايكه زى ما بندى لازم عالاقل نلاقى اللى يقدر ده
دايما القرارات الغلط بتتاخد وقت الغضب
وانتى شكلك كده متدابقه جدا
ياريت تفكرى من جديد
اكيد اختيارك كان غلط او فى حاجه غلط
بس متحاوليش تعممى اى تجربه مريتى بيها
تحياتى
علاء
ابن حجر العسقلانى
تصدق المقوله دى دخلت دماغى أوى
الجحيم هو الاخرون
عايش ولكن
أنا مش بس مدايقه أنا مكسوره
كويس خالص ...واضح ان انتي طالعه من تجربه جامده شويه ...وعلى فكره جميل جداً ان انتي فرغتي شحنة الإنفعال اللي عندك دي في كلام ...أكيد وبإذن الله هاتهدي ..وهاتكوني أحسن ..بس المهم مانعممش ونتعلم ونعامل الناس بحرص شويه ..مش شرط نكون عبط نحدف بلح زي مامكتوب فوق ومش شرط كمان ننغلق قوي مانتعملش مع اي حد ...لا نتحرى ونصبر في إختيار الناس اللي حولينا
على فكره أنا كنت محضره موضوع تانى أتكلم فيه
بس الكلام ده حساه أوى بقا ولازم أقوله
أن محدش يستاهل أنك تقف جمبه أو تساعده أو تفكر فيه أو تحبه ولا حتى أقرب الناس ليك
مهما حبيتهم ومهما فكرت أنهم بيحبوك
حقيقه ديما أودامنا وأحنا اللى مش عايزين نشوفها أن الحب والعشره والخوف والاخوه والصداقه كل ده أساطير مش موجوده
خصوصا الحب
..........................
لا لا لا ايه الكلام ده بس ... ازاي يعني مفيش لا أخوة ولا حب ولا صداقة ولا عشرة ... أمال فيه ايه بقى يعني الناس تموت بعضها على كده ... مش معنى ان الواحد يقع في خلاف مع صديقه مثلا يبقى مفيش حاجة اسمها صداقة ... لأ ،
وبعدين حاولي ما تخديش قرار وانتي منفعلة (ده عموما) ...
راجعي نفسك وخدي فترة نقاهة لا بأس بها ... وستستمر الحياة على أي حال
تحياتي وتمنياتي بالتوفيق ...
والسـ ختام ــلام
الدنيا متساتاهلش ..
اه .. و اه اوي ...
بس الناس ..
لولا ان في منهم كتير يستاهلو - وكتير ما يستاهلوش برده - مكناش طيقنا نعيشها ...
انت بنفسك تعرفين هذا في أوقات صفو الحياة لك .. مهما كانت هذه الأوقات متباعدة
لألألألألألأ بقى
الجميل متضايق ليه
لا بقولك ايه ياهنوده
روقي كده بس
يا امتن والله العظيم ازعل
وانا لو زعلت هقوم اكل وانا عامل دايت
بصي يا هند
انتي لسه هتتعاملي مع ناس اشكال والوان
فيهم الكويس وفيهم الوحش
طبيعي اننا ننجرح
لكن نخرج من الجرح واحنا عارفين اللي لينا واللي علينا
وخلي بالك .. لو كل واحد حب ولا حاجه وانجرح .. يقوم يقول على الدنيا السلام
يبقى ماينفعش نعيش
الدنيا فيها وفيها
روقي بقى
ربنا يارب يارب يارب يسعدك ويبسطك ويكرمك ويوفقك ويرضيكي دنيا وآخره يارب
سلامووووووووووز
لا فى ناس تستاهل
( زيى انا كدة )
هههه لا فعلا زى رحاب ما قالت لك ممكن التوقيت غلط وممكن ظروف الناس هى اللى بتمنعهم من اظهار ودهم وحبهم واخلاصهم ليكى
وانتى من الشخصيات الحبوبة الطيبة النقية
فأكيد كل الناس اللى يعرفوكى بيحبوكى
وحشتينا
احمد
hu-man
والله ما عارفه ايه الصح وايه الغلط بس اللى عرفاه انى تعبت
mohamed hesham
اصل موضوع الصداقه ده انا جربته كتير
أيه مش هنا
مهو المشكله أن اللى بتحسى أنه يستاهل بيطلع فى الاخر ميستاهلشس
sooooooo
والله دعوتك ليا دى بتخفف عليا كتير اوى
بس المشكله انى خدت على قفايا كتير من الناس كتير خلاص قفايا وجعنى
صديقى اللدود أحمد الصباغ
عاش من شافك ياراجل
تعرف؟
عشان أنت نورت البلوج أنا قررت مزعلش
يعلن حزب الجبهة عن عمل جلسة أدبية لعرض الأعمال الشخصية ومناقشة آخر المستجدات الثقافية بمقر حزب الجبهة بطنطا. عمارة الأوقاف الدور الثالث شارع المدارس بجوار المحطة بداية من الأسبوع المقبل.
تحديث بالميعاد:
الجلسة إن شاء يا شباب يوم الاثنين 7-7-2008
من الساعة السادسة إلا ربع حتى السابعة مساء
اسألوا عن منتصر أو طارق عميرة.
والدعوة مفتوحة للجميع.
انا اسف انا اعترض
مش مع كل الناس
شكرا
تحياتى
أجدع واحد فى الشارع
كلا منا له رأيه وأنا احترم رأيك بشده
اول زيارة لمدونتك ،بس اسمحيلى ققولك انتى شكلكمجروحة جامد اوىىىى بس زى ما التعليقات قالتلك الناس مش كلهم وحشين،و خيرها فى غيرها
"تحياتى"
Post a Comment