قررنا أنا وواحده صديقتى أننا نعمل مجله ألكترونيه عالنت يعنى
لكن لسه مخترناش الاسم ياريت تساعدونى فى اختياره
1- دربكه
2- شخبطه
3- قصاقيص
4-الحقونا
5-بلا قافيه
6- ع المكشوف
ياريت تكتبوا فى التعليقات الاسم اللى عجبكم
وياريت لو حد عايز ينضم ويكتب معانا كمان احنا بنرحب
ولو حد يقدر يعملنا التصميم بتاع المجله يبقا كتر خيره
عشمى فيكم كبير وعارفه انكم مش هتخذلونى
Tuesday, September 16, 2008
أستفتاء
Posted by 3ala asm masr at 10:35 AM
Subscribe to:
Post Comments (Atom)
16 comments:
اممممممم بلا قافيه حلو
بس اكتبى انت هتعمليها ايه منوعه يعنى
بلا قافية يا باشمهندس
ولقد كان لى فى هواى بمنازل
ورأسى ذو غدائر افرع
افتكرته :)
appy
والله أنا كمان عاجبنى بلا قافيه ده أوى
وهى هتبقى مجله منوعه على قد ما نقدر أن شاء الله
rana 3amra
ماشى يامعلم
بلا قافيه يا محترم
بلا قافية
انا بحب قوى اسم ع المكشوف يعن نتكلم بمنتهى الصراحة بدون مجاملات لحد وياريت تقبلوا انى اكون عضو معاكم
بلا قافية
هو الي ينفع في الظروف دي
ع المكشوف ..
ع المكشوف هنتكلم فى كل حاجة ..
مش هنخاف ..
مش هنطاطى..
ماهو كل حاجة بقت ...
ع المكشوف .
تحياتى ..
عمار صبرى .
بصو بما انى استشاريه نفسيه
ومدام هختار ف التعليق
لازم اعقدكوا ف عيشيتكوا
واحلل كل الاسماء المقترحه
ونستشف بعد كده الاسم الكويس يعنى
عالمكشوف
دا شعار قناه مزيكا
والواحد بيقرف م القناه دى
دا غير انهم ممكن يرفعوا عليكم قضيه ويقولوا
سرقتو القسم
تقولوش اسم الجيزه
ما علينا
الحقونا
لو امريكا شافت الاسم دا ممكن تيجى تفتشكوا انتو حريين
قصاقيص
هتزبل الحته والواحد لسه كانس حرام
شخبطه ودربكه
قدام شويه
يبقى احسن حاجه
بلا قافيه
تم التحليل بحمد الله
تحليل الاسامى لحسن دماغكو تروح ف حته تانيه
انا برضه بقول بلا قافيه حلو مووووت
(:
بالاضافه للاسماء دى اختارو من بين دول كمان
خربشات صحفيه
قصاقيص شبابيه
شباب اليوم
اقلام حره
فرقعه
رؤيه
رؤيتنا
دربكة...
حلو الاسم دا...
ويارب تتوفقوا وتبقى مجلة متميزة ان شاء الله...
كل سنة وانتي طيبة
مبروك
رؤيتنا أفضل
فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:
1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة ) فى هذا الرابط:
http://www.ouregypt.us/culture/main.html
بلا قافية أسم حلو و جديد
يللا يا قمر أول ما تعمليها قوليلنا
و إن شاء الله يكون الاسم بلا قافية بقى ؛)
هم كلهم حلوين الصراحة ... مش عارف أختار
Post a Comment