لما تقرأ أو تسمع عن تسريب أمتحانات الثانويه العامه
ولما تقرأ أو تسمع عن الطلبه اللى أنتحروا بعد نتايج الثانويه العامه
ولما تعرف أن فيه مدرس موت طالب أو حتى طالب ضرب مدرس
ولما تقعد تتفرج على برنامج وتشوف كارثة الكوارث
طفله ف الصف الثانى الابتدائى بتحكى عن مدرسها اللى أتحرش بيها وببنات تانيه ف الفصل بتاعها
يبقا السؤال اللى المفروض نسأله الرجل اللى مسؤول عن كل ده
وهو الوزير يسرى الجمل مستنى أيه عشان يتحرك
ولو مش قادر أو مش عارف ليه مستنى فى مكانه أصلا
فى حمله عالفيس بوك لعزل وزير التربيه والتعليم يسرى الجمل
أعتقد أن الحمله دى لازم يكون ليها صوت ولا أيه رأيكم؟
17 comments:
السياسة فى مصر معكوسة الفاشل بيقعد والناجح بيتشال هل حد يعرف الجويلى اتشال ليه ولا الجنزورى متحددة اقامته لية ولية الاصرار على احمد نظيف مع كل الفشل ده
قاعد لانة فاشل
ههههههههههههه ماهو كان فيه واحد قبله مايختلفش كتير عنه
ايه هيعزلزوا ده؟ هيجي غيره اسوء منهم هما الاتنين
احنا للأسف ماتعودناش علي نظام عادل
لأن قليل اللي بيفكر في الناس والمصلحة العامة
احنا اصبحنا في بلد الخاص
مدارس خاصة جامعات خاصة مستشفيات خاصة
هنا ماتلاقيش ظلم مبالغ فيه ولا نظام فاسد اوي ولا تمييز حد عن حد
اما بقي المدارس والجامعات والمستشفيات الحكومية اللي هما حق الناس في بلدهم واللي مفروض يتعاملوا فيها احسن معاملة لانها في بلدهم حقهم وحق ولادهم واجدادهم
واللي مفروض تكون اكتر واحسن وائمن أصبح اسوأ نطام واقل أمن واقل علم وفايدة واقل تربية
فالعيب لو كان علي حد فهو علي ناس كتير اوي مسئولين عن شعب اخد علي التفرقة والوسايط وافرضوا نظام استغلالي اسمه تدفع اكتر تعيش احسن
ماتدفعش ماتعيش اصلا
العيب فينا مش فيهم احنا مفروض نقول لا لاي نظام مايعجبناش ونمشي الفاسد
مش بس نمشيه ونستني قدرنا الجديد لا
احنا نمشي المسئول الفاسد او الفاشل ونختار المسئول العادل او الناجح ولو فسد يمشي ونختار غيره
احنا دي توصل عن طريق الصحف والشكاوي والمظاهرات السلمية باستمرار بدون خوف او سلبية
دا مش خيال دا بيحصل بره في دول كتير
بس هنقول ايه ؟
مسيرها تتحسن وتنضف
وعلي حسها مصر الحبيبة
علي ارضها مصر البريئة
فيها اللي مصري ومؤمن بيها
وفيها اللي سلبي وناهب فيها
وهي كده فيها ده وده
موضوعك شيق جدا ومجاله واسع وشدني واجبرني علي التعلييق
تحياتي واستمري ماتحرميناش من قلمك
ashraf
مستنى يجيب لنا امراض العصر والمغرب ويقضى على الاطفال
اسف سيكون ردي معارضا بعض الشئ
السؤال ليس هو مستني ايه السؤال هو احنا مستنين ايه
مشكلة المصريين انهم يتركون كل شئ له وحده المقصود المسئول وننسي او نتناسب دورنا البارز الطفله تحرش بيها المدرس لان الناس سكتت علي انحرافاته شوهد عليه من قبل علامات الانحراف بس كل واحد قال وانا مالي طالما بعيد عني ....يا جماعه واحد مش هيعمل عمل 70 مليون لا تلقو اللوم علي شخص لمجرد انه شخص يملك السلطه
الحياه تحتاج الي نحن ايضا لنقف
معلش راي يعتبر مغاير للكل والبعض مش بيتقبله بس نعيب زماننا والعيب فينا وما لزماننا عيب سوانا
مصر هي ارض المصريين مش ارض الوزير بس
شكرا لك
رئيس جمهورية نفسه
فكرتنى بجمله بتتقال فى التوك شو
ما سر هذا الاصرار على الفشل
تحياتى
roufi
واضح من كلامكم أن أحنا جوه منظومه فاشله عاوزه تغير جذرى
appy
تفتكرى لسه مقضاش على الاطفال؟
عايش على الهامش
أحنا مش مختلفين معاك ولا حاجه أحنا متفقين جدا
عشان كده أنا بكتب وأنت لازم تكتب وغيرنا عنده برنامج لازم يتكلم وهكذا
ده اللى فى أيدنا على ما أعتقد
مش مهم كلام منظم ومقالات وتحقيقات شكلها مش عارفه ازاى وحجمها أزاى
المهم أننا نتكلم ونقول ونشاور على الحته اللى بتوجعنا عشان نشيلها
تقريبا كده مستنى حد يتحرش بيه هو كمان
شاب مصرى مفروس
ههههههههههه
يمكن
هو مستني معجزه من عند ربنا ترحمنا منه
الراجل ده عدي مرحلة انه يتعزل المفروض يتنفي في شونجوبونحو
emy
كل حاجه محتاجه معجزه من عند ربنا امال احنا بنعمل ايه ؟
السفر لازم كله يسافر وميرجعش وخليها فاضيه يلعبوا فيها زي مهم عايزين والي عايز يلعب يلعب
كل سنة وانتم والاسرة بخير
جعلوه مريض نفسيا
لاء مش لازم نسافر البلد دى بلدنا مش هنسيب حد يلعب فيها
ahmed al-sabbagh
وأنت طيب وكل اللى بتحبهم طيبين
thank you
سعودي اوتو
Post a Comment