اه والله كله زى بعضه .....كل الاغانى والمسلسلات والافلام واى حركات بقت زى بعض
نفس القصص والحكايات وده مخلينى مستغربه
عندنا حاجات كتير أوى ممكن نناقشها من خلال أغنيه أو فيلم أو مسلسل
وكل يوم بتظهر ع الساحه أحداث جديده وقضايا وحكايات ممكن أوى نتكلم فيها
لكن أحنا تقريبا بقينا بنستسهل نجدد أو نتكلم أو نناقش
بقينا ديما بنعيد فى الافكار والحكايات القديمه
مش عارفه هل ده من باب ان ف الاعاده افاده؟
أو كتر التكرار يعلم الحمار؟
أو أيه أنا الحقيقه مش عارفه
عشان كده بشتاق أن واحد زى على الحجار أو محمد منير ينزلوا ألبوم جديد
لان حتى ف المواضيع المستهلكه كلمات جديده وحلوه
وشبهنا بردو ومن كلامنا مش غريبه علينا يعنى بس أحنا نسيناها
زى ما نسينا حاجات تانيه كتير
أو أفتكرنا حاجات نستنا نفسنا
أو بنمتحن ولازم نقوم نزاكر دلوقتى عشان أنا أتخنقت خلاص وهطق
يلا بقا سلام
Thursday, January 1, 2009
كله زى بعضه
Posted by 3ala asm masr at 4:37 PM
Subscribe to:
Post Comments (Atom)
4 comments:
happy new year
كل سنه و انتي طيبه و بخير و سعيده
احنا ناقصنا الابداع
الكل عايز علي الجاهز من غير ما يتعب نفسه و يفكر
تحياتي
أحنا ناقصنا حاجات كتير أوى
بصي يا هنوده
اولا واحشني البلوج بتاعك قوي قوي والله
ثانيا .. انا مش مع ميمي جزرة في ان مافيش ابداع
الحكايه ومافيا ان مافيش انتاج جريء .. يعني ل بصيتي على انتاج قطاع الانتاج المصري باعتباره اكبر منتج لمعظم الدراما والمسلسلات المصريه .. هتلاقي انهم بيتعاملو مع اتنين تلاته مؤلفين خلاص ماعندهمش جديد .. وحتى لو عملو حاجه جديده بتبقى في قالب تقليدي
كمان في حاجه لو انتي واخده بالك منها .. ممثليلن السينما .. وخاصة الممثلات اللي خلاص نجمهم أفل .. تلاقيهم عاملين مسلسلات وطالعين فيها بمثاليه رهيبه .. وعايزين يتناولو كل القضايا بشيء من المثاليه المتوحشه
الله .. طب مافيش مجرمين يعني عندهم دراما ؟؟
هنا بقى الاساس
الممثل .. احنا للأسف بنتعامل مع المسلسل بكلمة ده بتاع مين .. كممثل .. مش بنشوف غير الممثل .. مش بنشوف مخرج ولا مؤلف ولا مصور ولا اي بتنجان
بالتالي الانتاج بيبص على ايه اللي عايزه الممثل عشان يعملهوله
اقولك على حاجه .. شوفي الدراما الاجنبيه .. خاصة الامريكية .. بيتناولو قضايا مختلفه عن السائد
احنا عندنا لو البطل بتاع المسلسل رجل .. يبقى لازم يحارب السلبيه في الحاره او القريه او المنطقه اللي هو ساكن فيها .. وبعدين اهل المنطقه يقولوله رشح نفسك في مجلس الشعب .. ومن هناك يدخل في مافيا المخدرات وغسيل الاموال والدعارة وكل حاجه في السكه دي
ولو البطل بتاع المسلسل واحده .. يبقى لازم تكون صحفيه او مذيعه .. ومن هنا تحارب الجريمة
او تبقى واحده بلدي وشغاله في سوق خضار .. وغالبا بتكون فيفي عبده .. وبتحارب الكبير بتاع المنطقه اللي عايز يتجوزها على نسوانه الاربعه .. وفي الاخر بيكتشفو انه بيتاجر في المخدرات
صلاة النبي
تحسي ان الدراما عندنا ماشيه بنظام مقص دار .. شوف القميص ده وممكن اظبطهولك لو عايز يعني
سبوبه يابنتي
نصيحه .. ماتشوفيش تلفزيون
ماتشوفيش وحش
سلامووووووووووووز
soooooo
لما عرفت ان عدد الكومنتات عندى ماشاء الله بقا تلاته متوقعتش ابدا تكون انت لانك مخاصم البلوج بقالك كتير
لكن لما قريت اسمك فرحت لانى بحس انى بكلم اخويا الكبير مش بقرا تعليق لواحد وخلاص
انا معاك تماما الحكايه كلها بقت سبوبه مش عايزين نشتغل مش عايزين نبدع
من الاخر كده مش عايزين نفن
الفن بقا أكل عيش
Post a Comment