اه والله بجد مش كده حرام عليكوا فعلا ربوا عيالكو
مش معقول كمية المعاكسات والتحرش اللى بتتعرض له البنت فى الشارع خليتوا البنات مش قادره تخرج من البيت
كل واحد عنده وقت فراغ ينزل الشارع يعاكس فى بنات الناس بكلام سخيف ووحش فعلا وياريتها بتيجى على الكلام وبس
أتقوا الله فى ولادكم وفينا ربوهم تربية دينيه سليمه عرفوهم الحرام والحلال والصح والغلط
بقت ظاهره مينفعش أبدا نسكت عليها
الاول عايزه أسأل ليه البنات بتتعرض للمواقف دى فى الشارع؟
أول سبب :أنها بتلبس قصير؟
لا والله حتى اللى بيلبسوا طويل بيحصل معاكم كده
طيب تانى حاجه
بتلبس ضيق؟
لا والله اللى بتلبس واسع بردو بيحصل معاها كده
مش محجبه؟
المحجبات والمتقبات كمان بيحصل معاهم كده
يبقى أيه بس الحكايه
طيب بلاش
تعالوا نشوف مين هى الفئه اللى ماشيه تعاكس فى بنات الناس
الشباب كلهم اللى بيشتغل واللى مبيتشغلش يبقى البطاله مش هى السبب
الرجاله الكبار والله العظيم بيعاكسوا البنات ودى حصلى أنا شخصيا
الاطفال الصغيرين كمان انتقلت لهم العدوى وبقوا يعاكسوا اللى رايحه واللى جايه
فعلا بقى الخروج للشارع شىء صعب جدا وانا شخصيا كرهت اخرج من بيتنا
لو سمحتوا اتقوا الله فينا شويه واعرف انه كما تدين تدان سيبونا فى حالنا
وكل واحد وواحده لو سمحتوا ربوا عيالكوا صح
وكل بنت من فضلك متلبسيش ضيق لو سمحتى يمكن يتهدوا شويه
وفى الاخر انا عايزه اقول حسبى الله ونعم الوكيل
39 comments:
وانا كمان يا هبه بقول حسبى الله ونعم الوكيل معاكى
خيبه تقيله حكايه قد ابويا يعاكسنى دى
والله مره واحد قلتله عيب عليك وعلى سنك ده انا قد بنتك او حفيدتك
الصراحه حاجه مقرفه
لماضه
اولا انا أسمى هند هذه بدايه منطقيه وأستهلال لابد منه
ثانيا هى فعلا خيبه تقيله وحاجه مقرف وتزهق وتعلى الضغط وبقولها تانى حسبى الله ونعم الوكيل بس نفسى الشباب ترد عليا وتقولى السبب
يقولولى بيعملوا كده لييييييييييييييييييه؟
ياسلام ياسلام
يعني انتو عايزيننا نشوف بنات حلوين ومانعاكسهمش
انا ارفض
انا اشجب
خلقت المعاكسه .. عشان الواحد يعاكس اصلا
نتكلم حبه جد
اولا .. المعاكسه ممكن تكون نتيجة احباطات كتير جوا الشخص
وعلى فكره
المعاكسه مش شرط انها تكون من الولاد بس .. في بنات كمان بتعاكس
مش عارف بصراحه والله ايه الحل .. بس اعتقد لو ابتدينا من البيت هيكون افضل
يعني لو الام زرعت في ولادها احترام نفسهم قبل احترام الاخرين .. استحاله هتلاقي حد بيعاكس
عموما هي نقطه مهمه وموضوع حيوي
اعتقد انه محتاج اراء ناس كتير
سلاموووووووووووز
sooooooooo
والله منورنى ياباشا
انا معاك احنا فعلا لازم نبدا من البيت واعتقد انه اهم حاجه التربيه الدينيه الصح
وياريت كل واحد يعرف ابنه
ان ممكن اختك او امك او واحده تهمك تبقى فى نفس الموقف واكيد ميرضاش بكده
لانه كما تدين تدان عاكست واحده بكلام سخيف او اعترضت طريقها فى الشارع او اى حاجه من دى
هيجيى اللى يعترض طريق واحده تهمك فحافظ على بنات الناس عشان ربنا يبعتلك اللى يحافظ على بناتك
وموضوع الاحباطات او كده ممكن تطلعه فى اى حاجه تانيه غير المعاكسه
تحياتى ياباشا
كلام فى الجون بس والله لا لبس البنت سبب معاكسه ولا بطاله سبب معاكسه عارفه ايه سبب المعاكسه القهر الى مش بيشتغل مقهور من قله الشغل قدامه طاقه غضب بيفرغه فى الشارع بتطلع فى صوره معاكسه وخناقات والى بيشتغل مقهور من المدير بيطلع نفس الشحنه بنفس الطريقه
حادث التحرش الى كان السنه الى فاتت فى وسط البلد مفرقش بين شاب شغال وتانى عاطل ولا بنت محجبه وتانيه سافره اتجمع الكل
كمان فى حاجه الجواز بقى حلم بعيد المنال عن كل الشباب والطرف الاخر او البنت عموما عامله زى التفاحه المحرمه مش طايلها بيفرغ الطاقه دى فى صوره معاكسات بتوصل احيانا لحد التحرش
حاجه تانى تفعيل مواد قانون التحرش بانثى وتشديد العقاب ممكن يؤدى للحد من الظاهره
على العموم انا كنت عايز اتكلم اكتر بس للاسف نازل اقف على ناصيه الشارع اعاكس LOOOOOOOOOOOOOOOOOOOOL بهزر طبعا انا رايح المكتب
فعلاً حسبي الله ونعم الوكيل
بس في الظروف
بصراحه انا مع سيادة رئيس جمهورية نفسه
كل واحد حاسس باحباط وكبت شديد بيخرج الكبت في اي حاجه زي المعاكسه ده بالاضافه لان البيت كمان مشغول ومهموم بضغوطه
الأسره مابقتش فاضيه للأسف انها تنبه ابنها انك لازم تحافظ على بنات الناس علشان البنت دي أختك وامك وبنتك بعد كده
رئيس جمهورية نفسه
انا معاك لكن مش معقول كل واحد عنده كبت يطلعه فى صورة معاكسات المفروض يحترم حرومات الناس
وبعدين اعتقد ان الاسلام حل حكاية الصبر على الزواج دى بالصيام
والصلاه وذكر الله يعنى بردو هرجع واقول التربيه فى البيت ياجماعه
ربوا ولادكوا الله يصلح حالكوا
عرفهوم الديييييييييييين
رحاب مصطفى
منورانى يا قمر
بس يارحاب مدام هما مش قادرين يربوا ومش فاضين ومشغولين بيخلفوا ليه
بيخلفوا ويرموا؟
طيب هنقول الشباب محبط والضغط وظروف البلد وكل ده
طيب والراجل الكبير اللى شعره ابيض ده المفروض انه قدوه لاى شاب ماشى فى الشارع
والاطفال الصغيره سن 10 و11 و 12 وكده
يعرفوا ايه عن الضغط والاحباط وظروف البلد
انا حاسه انها عدوى وانتشرت
لنا الله
انا راىى فى الموضوع ان مجرد الضعيف مش بيقدر الا على الاضعف منه
وكلمة ربنا ياخد الاشكال دى مش قليله
فعلا بقى فى كل حته التحرش والمعاكسات اللى تخنق
حتى بتوع الامن او الشرطه اللى المفروض انهم فى خدمتنا بقم فى خدمتهم هما اللى ما استحوش من ربهم
تحياتى ليكى على الصرخه دى
ايمان
اولا منورانى وثانيا انا مبسوطه اوى انك سمتيها صرخه ويارب تكون كده فعلا
لان الموضوع بقى فعلا محتاج لصرخه ووقفه
انا مش عارفه العيب بقى فى مين
ولو اتكلمنا عن رجال الشرطه هنقول كتير التحرش والاعتداء ده ملعبهم وفى الفتره الاخيره سمعنا كلام كتير اوى فى الموضوع ده وقرينا فى الجرايد
انا كان هدفى اننا نناقش الموضوع يمكن نوصل لحل يمكن اللى يدخل ويقراه ويكون بيعمل كده مع بنات فى الشارع يحس حجم المعاناه
وهى والله فعلا معاناه هى شايفين الموضوع قليل بس والله ده صعب اوى علينا احنا
وكل مره بقولها
حسبى الله ونعم الوكيل
اسف اني اقول ان دي بقيت الثقافه العامه للشعب
اقصد ان ده بقي الطبيعي والموضوع مش موضوع تربيه وبس
اعتقد ان الموضوع اعقد وأكبر من كده بكتير
متخيله كم الضغوط اللي غلي الشباب حتي اللي بيشتغلوا
اعتقد ان الموضوع ده بقي موروث من المواريث الاجتماعيه اللي المجتمع بتاعنا بيفرضها علينا
علي العموم ربنا يهدي الجميع
تخياتي
الشارد
نورت المدونه واهلا بيك يا باشا
بص يا سيدى الناس كلها عليها ضغوط
بس هو عشان أنا عندى ضغوط أعمل أى حاجه مش مهم هى غلط ولا صح؟
وبعدين مين اللى خلى ده مواريث اجتماعيه
ومين اللى خلاه بقى عادى
مش أحنا؟
يبقى لازم نتغير ولازم نحافظ على ولادنا ونربيهم كويس
اللى النهارده بيعاكس بنت فى الشارع الله اعلم بكره هيعمل ايه ويجيب المصايب ليه ولاهله
تسمحيلى يا قمر انى اضيف مدونتك عندى
يعنى يزيد النو ر فى مدونتى
ايمان
اعتبرى المدونه بتاعتك
وانا يزيدنى شرف انك تضيفينى
سلام يا قمر
المشكلة في ثقافة التوحش العاطفي التي اصبحت لدي قطاع كبير من الشباب . فاصبح لا يميز بين محترمه وغير ذلك
معلش يا بنات يا محترمين . ذنبكم في البنات التانيين . ادعولهم
المهاجر الى الله
شكرا على زيارتك ولكن ماالمقصود بثقافة التوحش العاطفى
انا اول مره اعلق هنا بس احب ان ابدى اعجابى بمدونتك المميزه والموضوع الجرىء المستفز دا وانا معاكى قلبا وقالبا فعلا الموضوع دا بدايته تربيه بس فين بقى اللى يربى دا المعاكسه اصلا من ثقافة بلادنا بيتولودا الشباب بيها
ارجو زيارتى فى مدونتى عايزه اخد رايك فيها دا لو ما كانش عندك مانع
خالص تحياتى
haneen
نورتى المدونه وميرسى بجد على كلامك الحلو
وعلى رايك فين اللى يربى؟
تحياتى
فعلا والله عندك حق
لازم نشوف حل تاني للاحباطات النفسيه دي
ايه رايك في ان الشباب يشربو مخدرات؟؟؟
وصدقيني ساعتها والله ما هيعاكسو بنات خااااااالص
هيغتصبو على طول
سلامووووووووووز
و الله انا مش عارف اقولك اية
لانى بنتمى لفئة الشباب
انما انا شايف انها مشكلة كبيرة
الطرفين شركاء فيها
_انا ف حياتى عاكست 4 مرات بالظبط_
ههههه
sooooooo
لما بدخل وبلاقى ليك تعليق عندى بفرح جدا بحس ان البوست خد شكل تانى والله العظيم
منورنى وديما عندك حلول لكل المشاكل
وعند سوووووو الحل الاكيد
بس حرام عليك يا سووووو للدرجه دى بتكرهنا؟
هو انا للدرجه دى حاجه وحشه؟
كفراوى باشا
منورنى والله
وانت عشره على عشره
اهو كده اربع مرات بس كويس
ودى دعوه لتنظيم الاسره
قصدى تنظيم المعاكسه
تحياتى يا باشا
كلة حسبى الله ونعم الوكيل
طب على مين احنا الشباب ولا انتو البنات
انا من يومين كونت معزوم فى فرح
وطبعا فرح مليان شباب المهم فى بنات عدات من وسطنا مفيش وربنا مخلوق بص ليهم المشكلة فى البنات الى كانت قاعدة وربنا مقدرش اقول معكسة لا معكسة دى كلمة لطيفة على الكلام الى خرج من البنات لو ولد مكنش قال الى اتقال
المشكلة مش فى الشباب بس
لا فى البنات بردة
كرياكو
بلدياتى
منور والله العظيم يا باشا فينك بس من زمان
بص يا كرياكو لو الموضوع وصل لحد كده يبقى ده مرض وتفشى ولازم يعملوا مصل عشان العدوى
وربنا يهدى الجميع
وقول حسبى الله ونعم الوكيل على البنات براحتك انا مش هزعل لانى مش منهم
يا حبيبتى لا اللى لابسه قصير سايبينها ولا اللى ماشية متغطية مش باين غير عنينها سايبينها
مجمتع ذكورى مقرف
والاغرب من العجوز والصغير اللى بيعاكسوا تلاقى واحد معفن وهدومه مبهدله وشعره منكوش ولا اللى جاى من خرابة وماشى يعاكس مش بص لنفسه فى مراية المعفن ده ولا بيعاكس على خيبته
المجتمع مليان بالبلاوى
ربنا يرحمنا منهم
تحياتى ليكى وعلى الموضوع اللى يهمنا كلنا
هند
قريت تعليقك عندى على البوست بتاعى قلت اجى اعرف انتى كاتبه عن ايه
بصى يا هند
اولا انا مش مع الرجالة اللى بتعاكس ولا اللى بتتحرش بالستات اى كان الست لابسة ايه
بس بجد بجد انتى لو كنتى معايا فى اليوم اللى انا كاتبة عنه فى البوست بتاعى كنت هتقولى الرجالة ليهم حق يتحرشوا
يا هند صدقينى
اللى انا شوفتها دى بالبنطلون اللى هى لابساه بتقول للناس تعالوا اتحرشوا مستنيين اييه
كان منظر بجد مقرف
انا فى كل لحظة كنت متوقعة ان حد هيجى يتحرش بيها ويجرى
وساعتها بجد ماكنش فيه حد هيقوله تلت التلاتة كام بالعكس كانوا هيروحوا يهزقوها هى على اللى هى لابساه
كنت عمالة اسال نفسى هى خرجت من بيتها ازاى مافيش اب ولا ام ولا اخ ولاجوز ولا اخت ولا جار ولا جارة ولا اى عيل فى شارعها يقولها احترمى نفسك
تقريبا انه مافيش
وربنا يستر على ولايانا وعيالنا
وزى ما انتى بتدعوا الناس انها تربى ولادها صح ادعيهم كمان انهم يربوا بناتهم صح
لحسن ده احنا فى النازل خالص
وشكرا على زيارتك ليا يا هند
اختك بت خيخة وأى كلام
desert cat
المدونه نورت يا قمر وتعليقك زادنى شرف
وفعلا والله عجبتنى اوى كلمة مجتمع ذكورى مقرف
هو فعلا والله مجتمع ذكورى مقرررررررررررررف
تحياتى
بنت خيخه واى كلام
انا معاكى اوى والله احنا فعلا بقى عندنا ازمة اخلاق فى كل حاجه
وهو تقريبا مرض وتفشى فى البلد بالمناسبه اللى انتى شفتيه ده انا شفت حاجه زى كده امبارح بس فى اليكس وكان البنطلون اسود بس مكنش محوق والله كانت دعوه صريحه بردو
بس بجد شكلها مقرف موت
ربوا عيالكوا
غطوا بناتكو
فين يا بنتى الحته اللى فيها معاكسات دى ؟
قولى متخافيش ؟
اصلى خالتك فرنسا غلبانه عمرها ما حد عاكسها ولا حاجه
بس بجد برافو عليكى
الشباب فعلا زودوها قوى
ولازم من وقفه
سورى اسمحيلى ارزع تعليق
انا بعترض على الكلام ده ومفيش حاجة اسمه المحجبة وام نقاب بتتعرض للمعاكسات
ده على اساس اننا من بلد تانى
احنا بنشوف كل حاجة
مفيش بنت لابسة لبس محترم ومشيها وكلامها محترم وبتبعد عن الشبهات والاماكان المشبوهة وحد بيعاكسها
وانا واثق من الكلام ده
المعاكسات دى ياما لبنات هايصة
او لبسهم مش تمام
او ماشيين بالليل اوى فى شارع هادى مثلا .. يعنى مكان مش يصح انها تمشى فيه
لكن عموما انا مبسوط انك قولتى وجهة نظرك وبوست محترم وجميل اوى
تحياتى
أحمد
فرنسا هانم
وانا أقول البوست نور ليه
عشان فرنسا علقت عليه
بجد منورانى ودمك خفيف موت
ومدونتك عشره على عشره
وبعون الله احنا نخلص اى خناقه احنا بنات ولاد بلد يعنى
أحمد الصباغ
منور مدونتى يا فندم بس أنا مختلفه معاك لان الكلام ده بيحصل والله العظيم فى شباب واخد المعاكسه دى هوايه
وانا شخصيا بيحصلى ده ومن ناس كمان كبار فى السن
الا بقى اذا كان رايك فيا هو رايك فى البنات اللى بتتعاكس
مع انى اعتقد انك لسه مكونتش راى عنى
شكرا يا باشا ونوت المدونه
هند معلش هارد على كلام الصباغ عندك هنا فى مدونتك
انا مختلفة مع احمد الصباغ
لا فيه رجالة بقى سفلة بجد مايهمهومش البنت لابسة ايه
وحصل قدامى ان مرة واحدة منقبة ماسية فى الشارع يجى راجل سافل
يجى يقولها اجمل حاجة فيكى عنيكى
يعنى السافل سافل برضه مهما احنا اتغطينا ولا احترمنا نفسنا ولا اتحجبنا ولا اتنيلنا على عنينا
فى رجالة بجد عايزين الحرق
وفى كمان بنات عايزين الحرق
اهم حاجة ان الاسرة تربى عيالها صح اذا كان ولد ولا بنت
وشكرا يا هند على انك سمحتيلى انى ارد على الصباغ من عندك
اختك خيخة
بت خيخه
على فكره انا معاكى اوى ولو كنتى خدتى بالك من ردى على الصباغ كنتى هتلاقينى مختلفه معاه بردو
وقلت ان فى شباب واخد المعاكسه دى هوايه مش مهم اللى اودامه محترمه ولا متغطيه ولا متنيله بنيله
هو عايز يعاكس والسلام وقلت كمان ان فى ناس كبيره رجاله كبار يعنى بيمشوا يعاكسوا وده والله العظيم حصلى انا
حتى الولاد الصغيرين 10 و11 و12 سنه بيعاكسوا
المرض ده خلاص تفشى فى المجتمع ويا جماعه احنا عندنا أزمة اخلاق
تحياتى يا خيخه واعتبرى المدونه مدونتك
منورانى ديما والله
بجد موضوع المعاكسات ده بقى حاجه تقرف فعلا
والمشكلة اللى بجد ان كل البنات فعلا دلوقتى بيتعكسوا مش مهم بقى شكلهم ايه ولا لابسين ايه زى ماقولتى
انا بمشى فى الشارع اتفرج على نظرات الشباب للبنات بجد شئ فى منتهى السفالة
هو مش بيفكر ليه الف مره ان اخته هى كمان ممكن تكون بتتعاكس بالشكل ده
ربنا يهدى
اما بقى بالنسبه لبقيت المدونه فبجد برافو عليكى مدونه لذيذه بجد
ربنا يوفقك
تعرفى يا هند فعلا حكاية العيال الصغيرة دى كمان
واحدة صاحبتى مرة حكتلى انها كانت خارجة مع اختها وبتقول معرفش طلعولى منين دول بقولها هما مين تقولى حوالى اتناشر خمستاشر عيل مايكملوش عشر سنين وعملوا حواليا انا واختى شبه دايرة كدة وكان معاهم اللعبة دى اللى اسمها يويو وتقولى بقوا يحدفوها علينا وفين يوجعك ويقعدوا يقول لبعضهم يا واد اخبطها فى صدرها ده غير طبعا كمية اللمس والتحسيس اللى خدتها انا واختى من شوية العيال دول
ومعرفناش نرد عليهم من كتر ما احنا مش قادرين نصدق ان بقى العيال كمان بتعاكس لولا ستتين كبار كدة كانوا معديين شخطوا فيهم شخطة خلت العيال تبعد عننا
بجد فعلا الواحد مش عارف يعمل ايه
بقت حاجة تقرف وبقيت مش عارفة هو العيب فى الاهل اللى سايبين ولادهم كدة ولا العيب فى الانفتاح الاعلامى اللى بقينا فيه
ربنا يستر بجد علينا وعلى عيالنا
وشكرا يا هند علشان ادتينى المساحة دى فى مدونتك
سلام اختك خيخة
رحيل
ميرسى اوى لزيارتك يا قمر
وفعلا ياريت يفكروا ان البنت اللى ماشيه فى الشارع دى ممكن تكون اختك او مراتك او خطيبتك او حتى بنت حتتك ويخلوا عندهم دم
بنت خيخه
يا باشا المدونه دى بتاعتك وانا اللى ضيفه عند سياتك
اما بقى الاطفال فهو سوء تربيه حتما
لان حتى لو من الانفتاح والفضائيات
لازم الام تراقب وتشوف ولادها بيتفرجوا على ايه وبيتابعوا ايه
انا شخصيا لما بقعد مع ولادى اختى مش بخليهم يشوفوا حاجه غير الكارتون
يعنى بردو هى التربيه الاساس
يا عزيزى انا كنت ماشية ولبسى محترم جدا وعينى جت صدفة وانا خارجة من محل فعين سواق واقف فالشارع الراجل عاكسنى بعد ما مشيت بفترة رجعت بصيتلة وقلتلة استريحت هى كانت اية لقمة فزورك ورميتها وخلاص طب اقفل بقى لأخر النهار
بجد قاعدين الرجالة فالشارع عشان يطلعوا الكلمة المعاكسة بقت ادمان ربنا يقينا منهم وحسبى اللة ونعم الوكيل
كلاكيت تانى وتانى
فعلا والله هى المعاكسه واخدناها هوايه كده لازم يرموا اى كلمه وخلاص
انا مره اتعاكست وانا واقفه فى البلكونه
حاجه تقرف
معلش انا مملة شوية وكل شوية ازهقك معايا واخبطلى تعليق
اصل البوست بتاعك ده فكرنى ببوست انا كاتباه اسمه شريف جالكوا صلحوا حالكوا
عايزاكى تروحى تقريه يا هند وتقوليلى رايك فيه
ومعلش زهقتك معايا
اختك خيخة
بت خيخه
يا باشا المدونه دى بتاعتك وتعملى اللى انتى عايزاه تزهقينى تغلبينى انا موافقه ومبسوطه
وهقرا البوست ان شاء الله وهقولك رايى فى تعليق عندك
منورانى ديما
السلام عليكم
والله يا أخت هبه إنتى
بتكلمى عن ظاهرة وكل كلامك صح
فالمشكلة الحقيقية مشكلة أخلاق وتربية
وكمان ثقافة ....
أحنا فى مجتمع للأسف بيفتخر بالذنوب أو
قلة الأدب
يعنى البنت بتتبسط لما تتعاكس والولد بيفخر بعدد البنات اللى يعرفها
وماما مبسوطة إن بنتها عليها الطلب وبابا مبسوط عشان ابنه بقى راجل
Post a Comment