اه والله أنا جايه أرخم
كتبت خاطره كده بس محدش يضحك
وقلت بقى أرخم عليكم وأشوف رأيكم فيها
بس عايزه اللى يكتب تعليق يقول رأيه بصراحه وانا مش هزعل
أريد يوما أن أحيا بلا قيود
بلا نظرات أناس لا يجيدون سوى العزف على أخطاء غيرهم
عزف لحنا ردىء تستاء منه الاذن
يلاحقونك فى كل أتجاه
سهام من النار تصوب ناحيتك
أصوات من سياط يجلدونك بها
وذنبك أنك تحيا بتلقائيه
وذنبك الاكبر أنك تحيا بينهم
ولكن ما الذنب فى هذا أو ذاك ؟
يريدونك أن ترقص فقط على أنغامهم
واذا حاولت أن تصنع لنفسك لحنك الخاص
أعتبروا هذا نشاذا
وأنهالوا عليك بوابل من الانتقادات
لست سوى فتاة أريد أن يكون لى عالمى
ولست سوى فتاة لا تجيد ارتداء الاقنعه
ووسط كل هذا أهرب الى حبك
هذه هى مملكتى
صنعتها هنا بين أحضانك
وأعتليت مسرحى وأخذت أشدو
أشدو لحنا لك وحدك
لحن حب عزفته هنا بين أحضانك
بعيدا عن عيون الناس
26 comments:
هيييييييييييييييه انا اول تعليق
انا عن نفسى عجبتنى الخاطرة اوى
جوهر الكلام جميل جدا
وفيه تطلع الى عالم خاص من صنع يديكى
فافعلى ما شئتى
اما النظم الادبى
محتاج الى مزيد من الضبط
جميل
من حقك
بس مادام هتكتبي بالعربية الفصحى
خدي بالك من اللغة والكلمات وموقعها من الجملة
ما اعلش لصل انا كنت شاطرة في العربي وانت وقعت في ايدي
ماليش دعوة انت قلت مش هازعل
تحياتي
بت خيخه
ميرسى اوى يا معلم
وربنا يجبر بخاطرك زى ما جبرتى بخاطرى
فرنسا هانم
ميرسى أوى يا فرنسا ربنا يخليكى ليا
وياريت لو تقدرى تفيدنى فى موضوع النظم الادبى ده يبقى كتر خيرك
يعنى ياريت تقوليلى فين الغلط بالظبط
لحظه
على فكره يا لحظه ده والله اللى كنت أقصده بالظبط
أن اللى يدخل يقول رايه ويصححلى غلطى
وأنا بجد مش هنزعل واهو منكم نستفيد
والمره الجايه تبقى أحسن
طيب ياريت يا حبيبتى رخامة من دى كل يوم
شوفى الفكره نفسها حلوة قوى
والمعنى جميل انا حسيته بجد
فعلا الناس مش سايبين حد فى حاله عايزنا نعيش على مزاجهم
وبعدين ايه الرخامه العسل دى ابقى تعالى كل يوم رخمى
تحياتى
على راي قطة الصحراء
ياريت رخامه من النوع ده كل يوم
بصي يابنتي .. اعملي واكتبي كل واي حاجه
براحتك
اهتمامك بالنقد ده في حد ذاته بيؤكد انك عايزه تبقي احسن
وعلى فكره
اعظم فنانين العالم في شتى المجالات .. مابيعجبهمش اي عمل فني من اللي عملوه طول حياتهم
خدي عندك مثلا
فان جوخ .. مات وهو بيقول انه لسه ماعملش اللي اتخلق عشانه
احمد زكي .. مات وهو بيقول نفسي اعمل فيلم ابقى راضي عنه ميه الميه
شعبان عبد الرحيم عايش وبيقول .. هبطل السجاير
سلامووووووووووووز
صح
لا نتقبل الخر بل ونعتبر كل صاحب فكر يخالف فكرنا الخاص انه عدونا لا نستطيع ان نتقبل ألاخر
ولهذا يرفضنا ألاخر
تحياتي للكلام الجميل
جميييييييييييلة اوى يا ددودو
وحشانى مووووووت والله
يا رب تكونى كوكو وبخير :)
desert cat
بصى بقى مدام ده رأيك أنا عندى كام حاجه كده كتباها بس كنت مخبياهم تحت البلاطه خايفه من الحسد
هطلعم بقى وهولع الدنيا
انتظرونى
coming soon
رحيل
فعلا هو ده اللى أ،ا عايزه أقول محدش سايب حد فى حاله
ياريت كل واحد يخليه فى نفسه بقى
وبجد أنا كده هتغر وهتحفكم كل يوم بخاطره من خواطيرى
sooooooo
بما ان أنا بعتز برأيك جدا ودى والله حقيقه بجد
فأنا هسمع كلامك وهكتب كل حاجه وأى حاجه وأهو محدش واخد منها حاجه
الواحد يكتبله كلمتين يفضفض بيهم قبل ما يموت على الاقل حد يفتكرنى
بس أحنا أيه بس اللى وصلنا بفان كوخ والعبقرى أحمد زكى
خلينا أحنا فى شعبولا ونبطل السجاير
تحياتى يا باشا
الشارد
والله أحنا أصلا متعودناش على أننا نقول رأينا فى حاجه عشان كده ما بنصدق يبقى عندنا رأى ومبنبقاش عايزين نسمع غيره
ده أحنا حتى ساعات مبنسمعش نفسنا
رنا
حبيبتى وحشتينى أوى يا رنا بجد ومنها لله الثانويه العامه اللى خليتك بعيد عننا وحشنى كلامك وبوستاتك الجامده موز موز موز
اولا انا تخصصى تجاره
والتجاره شطاره
لكن
اقولك
اولا بلا نظرات اناس
جمعتى الاثنين
كان الاجمل
نظره اناس
عزف لحنا ردىء تستاء منه الاذن
كان الاجمل
الاذان
لان تستاء
التاء تاتى مع الجمع
اما
الاذن الواحده
يستاء منه الاذن
أصوات من سياط يجلدونك بها
كان الاجمل
اصوات لسياط
لان السياط لها صوت
وليس منها صوت
واذا حاولت أن تصنع لنفسك لحنك الخاص
الاجمل
تصنع لحنك الخاص
للتخفيف
ولان الكاف فى لحنك عائده على النفس
وفى النهايه
هذا راى فرنسا الهاويه وليست المحترفه
فرنسا حبيبتى
مع انك خليتى الخاطره شايله ع البحر مفتح من جميع الاتجاهات مفيهوش حته سليمه
الا ان هو ده اللى انا كنت عايزاه
يا جماعه اللى شايف غلط يصحح زى ما فرنسا عملت وانا بجد مش بزعل وهبقى أكتب بوست أقولكوا فيه حكايه مش هزعل دى
هندودة
انا عارفة انى علقت على البوست ده
بس جيت اقولك حجتين
اولا انا سبت تعليق على بوست عايزة اعيش براحتى روحى اقريه
ثانيا وانا ببص على البروفيل بتاعك استغربت ان عندك 19 سنة بس
ده انتى كتكوتة خالص يا هند
بس اللى عاجبنى واللى خلانى استغرب ان من كتاباتك وتعليقاتك على بوستات الاخرين
خلانى افرح بيكى اوى
لان رغم صغر سنك الا انك مش تافهة ولا هايفة زى ما بشوف كتير الايام دى
ربنا يحميكى بجد يا هند
تحياتى
اختك خيخة
خيخه
ديما منورانى ومفرحانى بتعليقاتك
هو أنا فعلا لسه كتكوته وكتكوته مطلعتش من البيضه كمان
بس لو أنا فعلا عقلى كبير شويه فدا عشان أنا ديما بتعامل مع ناس أكبر منى بكتير كمان أخواتى كلهم كبار أصغر واحده فيهم عندها 28سنه
يعنى أكبر من بتسع سنين تقريبا
والله ما أنا عارفه أنا جيت متأخر أوى كده ليه
ربنا يخليكى يا نورا على كلامك الحلو أوى ده
خيخه مش أنتى اسمك نورا بردو؟
اسمى اساسا نورا والدلع نورا او نونو او نور او نونا
بس بينى وبينك انا بحب خيخة ابقى قوليلى يا خيخة وبلاش الاسامى التانية دى اللى ملهاش معنى خالص
لكن خيخة اسم كله معانى ومليان شاعرية
والله هو من حيث الشاعريه فهو مليان بالشاعريه
خيخه
الله جميل والله
بقولك ايه يعنى لو فيها رزاله
ما ضيفى ميلى عندك على الاقل افضفض معاكى
سلاموز
أنا شامم رريحة حاجة حلوة في السكة .. يا ريت بس تظبطي الملح، و حتبقي كاتبة متميزة ..
أما بالنسبة لظبط الملح، فما عنديش كلام أقوله بعد فرنسا .. دي فرنسا برضه
الدائخ
تظبيط الملح فى السكه ياباشا وقريب هتكون الطبخه التانيه جاهزه
ميرسى على زيارتك
صديقتى العزيزة
انا مش شايف اى رخامة
انا شايف انسانة رقيقة اوى بتحس بالحياه بجد
صحيح انا حاسس انك ظلمتى الناس شوية
لكن ده انا بسميه الرسم الكاريكاتيرى بالشعر
لأنى عارف انك بتحبى الناس اوى لكن ربما تكونى متمردة شوية
تسلم ايديكى على الكلام الرقيق
تحياتى
أحمد الصباغ
والله أنت بتجاملنى أوى وميرسى على كلامك الرقيق أوى ده
الرسم الكاريكتيرى بالشعر؟
أحنا موصلناش للشعر ولا حاجه دى بس حبة مشاعر بايته قلنا نطلعها على الورق
يريدونك أن ترقص فقط على أنغامهم
واذا حاولت أن تصنع لنفسك لحنك الخاص
أعتبروا هذا نشاذا
هايلللللللللللللللللللللله
د/أجدع بنوته
يا رافعه معنوياتى
Post a Comment