صرح مصدر مسؤول بكلية الاداب جامعة طنطا بأنقضاء فترة الامتحانات للفرقه التالته قسم اللغه الانجليزيه
هذا وقد أضاف المصدر عن أصابة الطلاب بحاله من الاكتئاب نظرا لصعوبة الامتحانات وربنا يستر وننجح
كمان أضاف بأصابة الطالبه هند -اللى هو أنا يعنى - بدور برد رهيب ياعينى مما جعلها تختفى لمدة يومين بحالهم
وربنا يسامحكم كده محدش يسأل عليا ياريت اللى يجيى يجيب معاه برتقال او لمون يعنى اللى تجبوه ويبقى كتر خيركم
ومن موقعى هذا أحب أطمن الاخت لولا صاحبة مدونة أنا وصحابى وأحلى الاوقات أننى لم يصينى أى مكروه فى الحريق الذى شب بالكليه
لان الحريق كان فى حقوق وأنا فى أداب وبعدين انا مبمتحنش فى خيم بمتحن فى مدرجات
وبعدين يا لولا أنا مكنتش هناك يوميها أصلا أنتى كنتى عايزانى أروح فيها ولا ايه اه منك أه
كانت معكم هند _ على أسم مصر -من امام مدرج 5
كلية الاداب جامعه طنطا
29 comments:
اولا سلامتك الف سلامه
ثانيا مبروك انتهاء الامتحانات وبالنجاح انشاءالله..انتى اداب انجليزى بصرة انا كمان وطنطاويه لااااااا انا كمان.. صحيح اهلى قاهريين يعنى اتولدو وعاشو هنا بس اعرف ان اصولى طنطاويه
شوفتى بقى ادينا طلعنا قرايب
هههههههههههههههههه
وجيبتلك معايا شويه برتقال اييييييييه بقى يستاهلو بقك وبالهنا واشفا
سلام يا جميل
shayma
ده أنا ليا الشرف يا باشا أننا نكون قرايب وبلديات
وكمان أداب أنجلش
يا محاسن الصدف
قوليلى يا شيمو هو البرتقان ده بسوره ولا بلدى؟
لاء أصل أحنا بتوع فاكهه ومش هتعرفى تضحكى عليا
هو إبه الموضوع بالضبط ؟؟ اكتئاب .. دور برد رهيب .. مكروه .. حريق .. انتى كنتى فين يا بنتى ؟؟ مش امتحانات و لا دراسة أبدا دى .. الله يكون فى عونك .. دى معارك
يا ترى ما كانش فيه أسرى فى الموضوع ؟؟ .. و مين اللى عمل الطلعة الجوية ؟؟
يا ستى ألف سلامة .. و ان شاء الله هاتجحى و تجيبى تقدير
أبو العساقيل
الاكتئاب ده من الامتحانات والبرد من الجو الوحش اوى ده
اما بقى الحريق فده حصل عندنا فى المجمع بس فى كلية حقوق مش فى كليتنا الحمد لله
ميرسى على الزياره
شفاكى الله و عافاكى أختنا هند
و بعدين مش تقولى انك فى آداب طنطا
طيب جامعة واحدة يعنى
ربنا يكرمك
د.حمــــــــاس
د/حماس
أنا ليا الشرف أنى أنتسب للجامعه اللى حضرتك درست فيها
وزيارتك لمدونتى ديما بتسعدنى وبحس أنى بجد بعرف أقول حاجه
صانعة الحريه أنا زورت مدونتك وكلى فخر أنك من بنات جيلى وكمان بلدياتى وكفاءه
وبجد معجبه جدا بمواضيعك وتفكيرك
شكرا لزيارتك مدونتى الكحيانه
ألف سلامه على البرد منك :) :) أصل انتي جامده عيب البرد يأثر فيكي كده خليكي جامده
أنا جبتلك برتقال سكري أهو قومي اعمليلي كوباية عصير بقى علشان أنا بشربه عصير بس
بس تصدقي لاحظت ان كل الناس قرايبك هنا ماشاء الله ربنا يزيدك بجد ... أنا بقى ولا طنطا ولا الفرقه التالته ولا آداب ولا حاجه خالص :)
المهم يا ستي بجد ألف سلامه وان شاء الله تنجحي في الامتحانات
بس بما انك خلصتي بقى يبقى انتي عليكي تاج لازم تجاوبيه ان شاء الله :)
وسلام أحسن أنا رغيت كتير أوي :$
رحاب مصطفى
من اكتر المدونين اللى بيوحشونى بجد
وياستى لو انتى مش طنطاويه ممكن نديكى الجنسيه الطنطاويه ونديكى مفتاح طنطا
فين التاج يا باشا وانا اجاوبه على عينى
الف لا بأس عليكي استي وسلامتك من دور البرد
وربنا يارب يوفقك وتنجحي انتي وكل اخواتنا المدونين اللي كانو بيمتحنو ويحققو اعلى الدرجات
وبعدين ايه حوار الحريقه ده؟؟
حد انصاب طيب ولا ايه الموضوع الله يكرمك طمنينا
سلامووووووووووووز
هههههههههههههههه
ايه يعم نشرة الاخبار دى
هنقطع على بعض ولا ايه
:)
وبعدين كفاية قشر برتقال بس
ههههههههههههه
الف سلامه عليك ولكى عندى خمسه كيلو برتقال بس اقولك نصيحه اشربى ليمون بالعسل الابيض هيخففك على طول ويا رب تنجحى يا رب
عاوز اوضح حاجة
تعديل فى تعليقك الاخير بس
درست فيها
و لااااا زلت أدرس
د.حمـــــاس
الف سلامه عليكى ياهند
والحمد لله انك بخير
طيب مقولتيش ياعنى ايه اخبار الحريق ده والاصابات وكده
بما انك بقيتى مراسلنا فى جامعه طنطنا
هههههههههههههه
الهمه انك خلصتى امتحانات اجازه سعيده
soooooooo
أزيك يا باشا منورنى والله
والله موضوع الحريق ده ده حريق حصل فى المجمع عندنا فى الخيم اللى بتمتحن فيها كلية الحقوق
الحمد لله مكنش فى أصابات والموضوع أتلم بسرعه
nada
ولا هنقطع على بعض ولا حاجه يا باشا
وأحنا نيجى فين جمب سعتك
appy
هسمع نصيحتك وأقولك النتيجه
د/حماس
بردو لينا الشرف
ra7eel
الله يسلمك يا قمر
زى ما قولت لسو أن ده حريق كان عندنا فى المجمع قريب من الكليه بتاعتى وحصل فى الخيم اللى بتمتحن فيها طلبة حقوق
أما عن الاصابات مفيش أى أصابات والحمد لله قدروا يلموا الموضوع بسرعه
كانت معكم هند عمار مراسلة العيال البلوجريه من كلية الاداب بطنطا
تعليق على الأنباء
أفاد مراسلنا فى كلية الآداب جامعة طنطا .. ان شريطا مصورا أرسلة تنظيم القاعدة فرع جامعة طنطا يفيد بأن الحريق الذى شب - حلوة شب دى - بالجامعة قد جاء نتيجة القرف الذى انتاب المدعوة هند على إسم مصر من قرف الامتحانات وغلو الاسعار والزيت والسمن
وقد صرح شاهد عيان - يعنى شاهد مريض- أنه قد رأى هند على إسم مصر وهى تنفخ فى الولعة وظن انها تشارك فى عملية الاطفاء لكن علم من مصدر مجهول انها كانت تبخ جاز على الولعة
من قلب الحريقة
كان معكم أحمد الصباغ
موفد قطاع الاخبار
قناة المطافى
كده يا أحمد هانت عليك العشره؟
بقى أنا اللى عملت كده
ده انا حتى مكنتش هناك
ربنا يسامحك يا صديقى اللدود
ههههههههههههههههههه
انا لسه قاريه البوست دلوقتي
لو كنت اعرف انك نزلتي بوست كنت كنت اول كومنت
بس ظروف امتحانات بس هانت يا هند والحساب يجمع بقنا كنت عوزاكي تكوني في الحريق
دا كنت هموت م القلق عليكي يا دزمة
وسالت ندى عليكي قالتلي معرفش عنها حاجة خوفت تكون الحريقة وصلت من حقوق لاداب في سبرباي هي صح سبرباي ولا ايه اصل جامعه المنصورة هههههههههه
وبعدين يا ختي خلاص عرفت انتي بتمحني بمدرج الله يرحم الخيم
انا كنت بمتحن في المطعم المركزي بتاع المدينه الجامعيه بس كان تحفه
وحاليا في مدرجات ربنا يكفينا شر الخيم وبلاويها
المهم حمد لله على سلامتك
يا دزمة
يا حمارة
يا كلبه
هند انتي زعلتي
اخبطي راسك في الكيبورد
هههههههههههههههههههههههه
هو انتو كمان ولعتواا
هى فره وشايطه ف جامعات مصر ولا ايه
ع العموم
حمدالله ع سلامتك م البرد
وبالتوفيق والنجاح الباهر ياارب
لولا
معلش يختى نسيت انك بتدرسى فى السربون
د/ أجدع بنوته
ميرسى يا قمر
الله يسلمك
الفوله سلامه
انا كمان تعبان
اوووووي
مبروووووك يارب بالتوفيق
ياااااااارب
MY DEAR HEND 7LWA MY DEAR DE MA3LINA ANA M3AKY TALTA ADAB ENGLISH MMOMKEN AKON 3ARFAKY ALLAH YKON FI 3ONK FI ELMTA7NAT 3LSHAN ANA KMAN GALY EKT2AAB WE ALF SALAMA LLBERD MOSH LEEKY YA SETTY LW 3OZTY AY KHADMAT ESA2LY BAS 3LA REHAB NABIH BYE
سلامتك يا هند
اختفيتى يومين بحالهم
انا شايفة انك اختفيتى خمس شهور
^^
Post a Comment