تاج جالنا من الاخت العزيزه عليا أنا شخصيا رحاب مصطفى صاحبة مدونة
myvoice
-أسم مدونتك
فى عالم من الشجن
لماذ أخترته وماهى نيتك من وراء أختياره؟
لانى حاسه أنى عايشه فعلا فى عالم من الشجن
هل فكرت فى أغلاق مدونتك؟والسبب؟
نعم - لانى حسيت انها معملتش الاثر اللى كنت عايزاه بين المدونات
صورتك فى المدونه ورمزيتها؟
صورة طفله فى فى عنيها شوية حزن-يمكن من شوية الحزن اللى جوايا
لماذا دخلت عالم التدوين؟
دخلت عالم التدوين لشوية أسباب
أولها أنى بحب الكتابه وعندى حلم يبقالى مكان فيها
ولانى بجد نفسى أقدر أغير حاجه فى حياتنا من خلال شوية الافكار الغلبانه والكحيانه اللى بقولها فى المدونه ويارب أكون بعرف أوصل اللى عايزه أقوله
وعشان أقول كمان اللى بحس بيه لانى مش ديما بلاقى حد يسمعنى
جمله قيلت لك فى وصف مدونتك؟
مفتكرش أن حد وصفلى مدونتى أحنا عندنا ناس بتدخل فى الموضوع على طول هههههه
التعليقات بالنسبالك أهميتها؟
مهمه جدا أكتر مما تتصوروا لانها بتعرفنى تفكيرى رايح فى أى أتجاه
أحلى بوست كتبته ضع اللينك ثم أذكر لماذا؟
طبعا مش محتاجه القولكم أن كل بوستاتى حلوه وفوق الفظيعه
لاء بس بجد أحلى بوست كان نفسى اعيش براحتى عشان أنا بجد نفسى أعيش براحتى
أفضل مدونه قريتها؟
كتير مدونة أحمد الصباغ -خالوا أحمد
نوران الشاملى - بنت خيخه واى كلام
فرنسا هانم
د/أجدع بنوته
سووو- عجوز وعنده 30 سنه
رحاب مصطفى -myvoice
تراقيع نداااااااا
وكل الينكات اللى على جمب دى
حد قل أدبه فى التعليق وأيه رد فعلك؟
لحد دلوقتى لاء الحمد لله ولو حصل همسح التعليق وياريت الناس متفهمش أن معنى كده أنى مش هسمح لحد أنه يختلف معايا لاء طبعا مش كده
بس فى فرق بين الاختلاف فى الرأى وقلة الادب
أسوأ بوست وأسوأ مدون؟
مين أنا عشان أحكم على المدونات والبوستات ده انا غلباااااااااااااااااااااااااااان
هيحصل لايه لايميلك لما تموت؟
ايميلى محدش هيفتحه أكيد لكن مدونتى فى حد قريب منى اوى هوصيه يفتحها ويخليكم تدعولى وتقرولى الفاتحه أن شاء الله
أديت الباسورد لحد قبل كده؟
أه ولسه معاه وهيفضل معاه
أسمك؟
هند عمار
المشهور بيه وسط أصحابك ؟
نودا
شخصيتك نوعها أيه؟
مش عارفه ياريت حد يقدر يحللهالى وهنيالك يافاعل الخير والثواب
السفر بالنسبالك؟
سبع فوايد
وقت فراغك بتعمل فيه أيه؟
مش ديما على حسب
التليفزيون أو النت أو اخرج
المود بتاعك ؟
متقلب يعنى شويه فرحانه وشويه زعلانه بس بحاول ديما أضحك
سمعت أن الضحك بيطول العمر ههههههه
الاكله المفضله؟
كشررررررررى
صفات أخدتها من بابا؟
معرفش لانى مشوفتش بابا الله يرحمه-توفى وأنا عمرى 6 شهور
صفات أخدتها من ماما؟
الطيبه- بصدق أى حاجه بسرعه- بثق فى الناس بسرعه-حظى قليل
مجال دراستى؟
أداب أنجلش
أكتر ست حاجات بكرهم؟
الكدب- الظلم - الغدر - أنك تعرف حد بس عشان مصلحه - الخيانه- الذل
أكتر ست حاجات بحبهم ؟
الصراحه- الحب اللى بجد - الصداقه اللى بجد - كل حاجه بتطلع من القلب بجد
امرر التاج لمين؟
لكل الناس فى اللى جمب دول
Monday, January 21, 2008
تااااااااااااااج
Posted by 3ala asm masr at 10:54 AM
Subscribe to:
Post Comments (Atom)
37 comments:
يارب أكون الأول
اجاباتك جميله أوي جداً بجد
وعلى فكره أنا كمان بعزك جداً بجد ومدونتك والله جميله جداً وأول موضوع انا كتبت فيه تعليق هو اللي بتقولي انه أحسن بوست كتبتيه ... أنا فاكره كده :-؟
وبجد كان جميل فعلاً ومعبر جداً .... وبلااااااش تفكري تقفلي المدونه تاني :@ انتي سامعه :@
أيوه كده مش لازم أزعأ
شكراً كتييييييييييير انك جاوبتي بجد :)
مدونتك بقت تحفه
مبررررررررررررررررووووووووووك
رحاب مصطفى
أطمنى يا قمر أنتى الاول ولو مكنتيش الاول نخليكى الاول
رحاب ربنا يعلم معزتك فى قلبى بجد
ومبسوطه أن اقرب بوست لقلبى كان أول بوست تعلقى فيه
خلاص متزعقيش بس أنا هفضل فاتحه المدونه خدمه 24 ساعه وكمان توصيل البوستات للمنازل
حبة حاجات- ايمان
ميرسى يا أيمان ربنا يخليكى
تعليقاتكم أنتوا اللى بتحلى كل حاجه
السلام عليكم
أول زيارة وان شاء الله مش هتكون الاخيرة
المدونة جميلة جدا وليها طعم مختلف
والتاج ده بيوضح اد ايه انتى شخصية كويسة ومحترمة
اجاباتك ممتازة
وعلى فكرة انا كمان اداب انجليش بس الحمد لله اتعتقت واتخرجت
عقبالك
ربنا يوفقك يا رب
وياريت تشرفيني ف مدونتى
تحياتي
ايه تاج ليه تانى لاااااااااا
انا لسه مخلعتش من الاولانى الله يخليكى شويه كده بس
بس اجاباتك سكر مع انها جابت ليه عمى الوان باللون الاخضر ده تسلم ايديك
شاب مصرى مفروس
مبروك أنك أتعتقدت وأتخرجت بس ده ميمنعش أننا ولاد كار واحد
حلوه كار واحد دى
زيارتك شرفتنى وأكيد هزورك فى مدونتك
appy
لا مفر يا قمر لازم تجاوبى على التاج
بما ان محدش جبر بخاطرك وقالك وصف في مدونتك
فا بعلنها من موقعي هذا ومن امام شاشه الكمبيوتر ويشهد عليا الموس والكيبورد
ان مدونتك لذيذه اوي وجميله زيك يا هند
مبسوط يا عم
ادعيلي بقى ان خليتك تجددي المدونه
بسيحلك اهو اي خدعه ههههههه
عاوزاكي تدعيلي جامد النهارده
بكرة اخر يوم في الامتحان
وهفضالك فهماني طبعا
بس بلاش نسيح في المدونة
هههههههه
سلام يا قلبي يا روحي
شوفي بدلعك اهو بس دا اخر يوم في الدلع
ازيك يا هند
لسه رايحه اعمل كليك على التعليق ولقيت رد على فرنسا هانم عن القوميه العربيه
هاروح اقراه
على فكره انالسه جيه من السفر امبارح
حلوة اجاباتك يا هند
ربنا يكتر من تاجاتك
هههههههه
سلامى يا جميل
اجابتك جميله بجد ربنا يوفقك وبما انى البلوج بتاعى فى الى على الى الجنب والتاج متمرر من رحاب مصطفى قبل ده فحجاوب التاج وامرى لله
لولا
ياستى كتر خيرك
الله يكرمك
فرنسا هانم
حمد الله عالسلامه يا خالتى
shayma
ميرسى يا قمر
رئيس جمهورية نفسى
لا مفر من التاج ابدااااااااااا
إجابات سهلة و سلسة و بسيطة .. المفروض كان يبقى اسم المدونة "فى عالم من البساطة" .. أحييكى
ابن حجر العسقلانى
ممكن أسميها فى عالم من البساطه عشان خطرك
اجابات جامده جدا ياهنوده
وطلعتى بتحبى الكوشرىىىى زىىى
وده كفيل انه يربط بينا كصداقه للابد
هههههههههههههههههههه
بتمنالك حياه سعيده وبيضا ع قد الابيض اللى ف قلبك ده
تحياتى
د/أجدع بنوته
أنا يشرفنى أنى أبقى صديقتك بكشرى ومن غير كشرى يا قمر
ربنا يوفقك انتى كمان ويهنيكى
هاااااااااااي
فينك من زمان؟؟؟
مستنياكي تنوريني
تحياتي للقمر
:))
اجابات موفقة كمان
mermaid
ميرسى يا قمر
هتلاقينى عندك ديما
فينك يابنت
عاملة اية
على فكرة اجاباتك جامد بجد
وياستى مبروك على التاج
كرياكو
يعنى بلدياتى وكفاءه
أنا بردو اللى فينى ولا انت اللى مش باين؟
عموما ياسيدى الله يبارك فيك
ربنا يكرمك أختنا
اجاباتك جميلة بجد
ربنا يجزيكى خير
د.حمـــــاس
د/حماس
ربنا يكرمك يا دكتور
اجابات مميزة جدا
صريحة وخفيفة الظل
بس علي فكرة انا مرة زورت المدونة دي قبل كدة ووصفتها لية محطيتيش الوصف بتاعي ؟؟
ههههههههه
علي العموم مدونتك جميلة
اجابتك جميله قوى
بس حسيت بالحزن اللى جواك يمكن غلطانه ويمكن لا
اما بالنسبه للموضوع اللى انت سئلتينى عنه
اولا اتعمل كونفرنس كبييير حضره عدد كبييير من المدونين وقرارو الآتى
اولا نشر الموضوع على البلوجات وعمل وقفه احتجاجيه من اجل غزه
ثانيا التبرع للاهل غزه
والعانوين كتبها احمد الجيزاوى فى اول تعليق عندى
لو مش فى يحد يقدر يتبرع ممكن لهم الدعاء فى الصلاه وفى مجموعه من المدونييين ذاهبين الى معبر رفح يوم الجمعه القادم
من اجل مناصرة اخوانا فى غزه لو تحب تشاركى يا ريت تبلغينى وانا اقولك على التفاصيل
ويااااارب اكون وفقت فى وفقت فى اجابة سؤالك
ولاء
انا سامع من داخلى تصفيق حاد
إجابات نموذجيه
مدونتك جميله
تقبلى مرورى
عاجل الانباء
تم اصدار قرار تجديد الاعتقال للدكتور الزعفراني بعد الافراج عنه مرتين وهو الان في سجن الغربانيات في برج العرب بعدما كان محتجز في الترحيلات
شاركنا في التوقيع علي وثيقه اطلاق سراح الدكتور ابراهيم الزعفراني
د/ عبد الرحمن
يا باشا جلا من لا يسهو
بس هو انت وصفتهالى بأيه؟
ولاء
انتى مش غلطانه أبدا مفيش حد مش جواه شوية حزن
أعشق فى الليل ضوء القمر
ميرسى يا فندم
نورت المدونه
اولا وحشانى جدا
معلش فى التقصير يا هندودة
بس يمكن لانى معتقدة انك عندك امتحنات علشان كدة مابقتش اعدى عليكى كتير معتقدة بقى انك فى اجازة
المهم يا سكر
اجاباتك جميلة جدا وطبعا مش عايزة اقولك انى اتبسطت لما لقيتك كاتبة اسمى
بس الاجابة اللى زعلتنى انك كنت بتفكرى انك تقفلى المدونة علشان ماعملتش التاثير اللى كان نفسك فيه
بالعكس بقى انا شايفة مدونتك ان بقى ليها اسم
واوعى تفكرى فى كدة تانى
وبعدين حتى ولو ماعملتش التاثير الواو اللى كنتى بتحلمى بيه
كفاية ان بقى عندك متنفس بتبوحى فيه بكل حاجة جواكى
مرة تحكيلنا عن حاجة استفزتك او حاجة ضايقتك او حلم من احلامك او حاجة فرحتك
كدة انتى بتفيدى نفسك وبتفدى اللى بيقرا
اوعى يا هندودة تفكرى انك تقفلى مدونتك
المهم ان اجاباتك كلها جميلة
وعلى فكرة عاجبنى اوى البوست بتاع القومية العربية
صور معبرة فعلا عن مدى عروبتنا
تحياتى ليكى
اختك خيخة
مبروك التاج
وإجاباتك بسيطة وصادقة
تحياتي لمدونتك اللي على إسم مصر
جميلة
بنت خيخه واى كلام
اولا وحشانى اوى يا خيخه
ثانيا وجودكم معايا واحساسى انى بقى عندى اخوات كتير اوى مستعدين يسمعونى وبيشاركونى فى كل حاجه خلانى مبقاش عايزه اقفل المدونه
الاستاذ
ميرسى اوى ربنا يخليك
ميرسى لزيارتك
Post a Comment