صوره ..صوره...صوره كلنا كده عايزين صوره
صوره ..صوره ..صوره
تحت الرايه المنصوره
الله
أنا كنت برقص على الاغنيه دى وأنا صغيره
بترقصى عليها فين؟؟
هو أيه اللى فين؟فى المدرسه طبعا
مهو أنا كنت رئيسة فريق الزهرات اللى هما بيعملوا الحفلات فى المدرسه
كنت بلبس جيب أحمر قصير وبدى ابيض وكنا بنغنى وكنت بلبس علم مصر
وأنتى بقى بتعرفى ترقصى؟
أه بس مش زى هزى يا نواعم طبعا
أنا كنت بحب الحفلات دى أوى بس للاسف ماما عمرها ما صورتنى وأنا بعمل الحفله
مش عارفه ليه مش حاسين بأن جوايا حاجات بتطلع وأنا بغنى
أنا بحب أغنى أوى على فكره بحس أن جوايا ألف حاجه وحاجه بتطلع لما بغنى
أه صوتك حلو
لوسمحتى يا متتريقيش أنا بكلم عن اللى بحس بيه
والله العظيم مش بتريق صوتك حلو سمعتك وأنتى بتغنى وأنتى واقفه فى المطبخ
يااااه صوتى كان واصل لحد شقتكم فوق؟؟؟
اه وكان حلو والله هو أنتى ليه مبتغنيش؟؟
شركات الانتاج بتجرى ورايا بس أنا مش فاضيه
بجد هو أنتى ممكن تغنى وكده؟
لاء
ليه ؟؟؟
عشان مفيش حد دلوقتى بيغنى كله بيقلع
يعنى أيه كله بيقلع
يعنى هاتى أستار أكاديمى نشوف عملوا أيه النهارده
39 comments:
فعلا مفيش حد بيغنى
كله بيقلع بس
السلام عليكم
هههههههههههههه
على رايك كله بيقلع
هاتى يابنتى ستار اكاديمى نشوف عملو ايه النهارده
بلا وجع دماغ
:))))))))))))))
على فكره أنا مش بحب ستار أكاديمي ده :@ واللي فيه مستفذيييييين
والاغاني لمت بصراحه :D
متغلطيش ف ستار اكاديمى
السنادى والله
عندهم اصوات حلوه اوى
اسماء وسعد وعبدالله وشاهيناز
ع فكره
عندى ليكى تاجيين
تعالى خديهم بسرعه قبل ميحمضوا
ايه ده هما بيقلعوا طيب
تعرفى انا كمان صوتى حلو قوى وبحب الرقص جدا بس برضه مش هزى يا نواعم
بس عندى عيب واحد بس فى صوتى وهو اللدغه اللى فى حرف الراء ملاقيش عندك اغنيه من غير الحرف ده سلف
انا مش عارفه هما بيقلعوا ليه ؟؟؟
علشان الحر ؟
ولا الاغانى اصلا صيفى
بصراحة عجبنى المنطق بتاعك فى رفض عروض شركات الإنتاج
طب أنا هاقول حاجة و يا ريت أتفهم صح
البنات اللى بتغنى لو قلعوا .. نقدر نقول دة نوع من أنواع إظهار الأنوثة ..هو طبعا ترويج لشوية كلام متكرر اتقال ميت مرة فى ميت أغنية .. بس كله يهون فى سبيل الشهرة .. بس الجمال الجسدى للأنثى شىء طبيعى .. و فى سبيل الشهرة لا مانع من بعض الميوعة على المياصة و الذى منه (اللى نفسى ربنا يرحمنا منه)ا
الكارثة بقى و اللى يغيظ و يفور الدم أكتر (طبعا فوران الدم متحقق أصلا من اللى بتعمله البنات فى الأغانى.. ربنا يهديهم و يحفظنا) .. إننا نلاقى الشباب اللى بيغنى واخد قدر لا بأس به من الميوعة و المياصة .. بصراحة اللى ناقص إنهم يقلعوا هم كمان .. دة لو ماكانوش قلعوا أصلا
بصراحة .. دول يعتبروا نموذج رائع للشباب العربى عشان نبقى فى الصفوف الأولى للدول .. بس الصفوف الأولى من الآخر مش من الأول
مؤمن محمد
نورت يا باشا
shayma
والله عماله اقلب بس القناه شكلها مشفره
رحاب مصطفى
مفيش فن فى اى حاجه ولا غنا ولا تمثيل
فى فن القلع
د/اجدع بنوته
الاصوات حلوه بس رولا سعد لا تقدر موهبة الصوت
تقدرى تقوليلى ايه علاقة حمام السباحه اللى فيه ولاد وبنات مع بعض بالميوهات بالغنى؟؟؟
appy
واضح انك صديقتى فى الكفاح بس موضوع اللدغه ده صعب شويه هنحاول نلغى الراء من اللغه العربيه
فرنسا هانم
الاغانى صيفى زى السينما الصيفى كده
ابن حجر العسقلانى
طبعا انت عارف انهم نفسهم يتعاقدوا معايا لكن انا اللى مش موافقه
اصلى مش فاضيه
معنديش حاجه بس مش فاضيه بردو
اما بقى بالنسبه للشباب فبأمانه أنا أرفض نقول أنهم شباب أو رجاله ده رأيى
ههههههههههههه
فعلا والله ياهند
انتى كلامك صح جدا
بس المفروض برده تنمى مواهبك اومال تكبتى نفسك يعنى
ههههههه
خالص تحياتى لكى
عجبني أوي رد الاستاذ ابن حجر
فعلا
أنا عن نفسي باسميهم
semi semi
اما عن البوست فخدي العرض ده
طب واللي يديكي قصيده نضيفة جميله
ولحن كويس...على قدي كده
تغنيها؟؟؟
مستني ردك
.......
على فكره
ده عرض حقيقي
بس من غير شركات ولا حاجه
حاجه ما بينا وبين المدونين كده
مانتي عارفه
العين قصيره...والايد بصيره
قصدي العكس طبعا
بس كسلت امسحها
والله مش كلهم يا هندودة اللى بيقلعوا
طب ما اصاله اهى بتغنى وعمرى بصراحة ماشوفتها قالعة
ومين تانى
ومين تانى
اه وامال ماهر
متهيالى انها لسة ماقلعتش
وانغام
وماجدة الرومى
تقريبا هما دول بس اللى لسة ماقلعوش
الباقى بقى ليهم رب اسمه الغفور الرحيم
سلام
اختك خيخة
بصى عندنا فى كمورا مورا
بنصنف الناس لنوعين
اول نوع ناس بتحترم نفسها عشان كدة الناس بتحترمها وبتحبها وبتثق فيها
ودول كتير اوى
وناس تانية مبتحترمش نفسها
وعشان كدة قليل لما الناس بتحترمهم
يعنى عشان تحترميهم لازم تتعملى معاه شخصيا
النوع القلاع الى انتى بتقولى عليه دة
دول ميتحسبوش من البشر اساسا
دول ناس شغالين لحساب الشيطان
ومدام الشيطان عدونا الاول
والى بيمشى فى سكته بنعتبره خرج مننا
انا عايز اعرف حاجة
هما ازاى بيجلهم جراءة
يقلعوا قدام الملايين دى كلها
لا وبكل بساطة
ومبتلحظيش على وشهم حتة كسفة كدة على الماشى
دنا يالى اسمى راجل وزعيم اتكسف اقلع القميص قدام المرايا
ياله ماعلينا
ربنا يحرقهم بجاز
لا بلاش الجاز لحسن غالى
ربنا يحرقهم بعود كبريت
ويكون متولع بيه قبل كدة
بتاع مية مرة
بس انتى طلعتى طيبة اهو
عاملة حفلة لجيرانك من المطبخ
ياسلام احلى كلام
يعنى يبقى الواحد واقف فى شباك المنور
وفجئة تقومى رزعاه
مقطع من اغنية رومانسية بريحة تئلية الملوخية
ياسلام مافيش احلى من كدة
ربنا يكرمك ويديكى على اد نيتك
تحيات
الزعيم
طيب و الله غني
بس في البيت بس
:\
معندناش بنات تغني بره الأوده بتاعتها
:D
البلوج شكله رووووووعه
يجنن بجد
ربنا يسعد ايامك
:)
بجد الواحد بيزعل ان الانحطاط وصل بينا للدرجه دى .....
وان النساء فى اغانى الفيديو كليب بجد اساءوا للمرأه العربيه بشكل كبير وجعلوها سلعه رخيصه وهما السبب فى الى بيحصل من حوادث خطف واغتصاب بجد ربنا يهديهم ويطلعنا منها بخير ......
اما بالنسبه لستار اكاديمى انا بحب اتفرج عليهم من سبيل التغيير واشوف الناس دولت بيعيشوا ازاى وايه الحوارات الى بتدور وسطيهم ....اهو تغييير
لجل ما نعلاونعلا ونعلا لازم نقلع ونقلع ونقلع
كله بيقلع الوقتي عشان يتشهر
ويتعرف
ويتسمع
مش بس المغنين
لا والمسؤلين و الحكام وغيره
حتى في اقسام الشرطه بيقلعوا المواطنين الغلابه مهو كله لازم يقلع
في الكوره لما واحد بيجيب جون بيعمل اييييييييييه
بيقلع
دا الطبيعي
دا اسمها سياسة الانقلاع
وربنا يجعله عامر
ra7eel
متقلقيش انا بنمى مواهبى فى البيت طول اليوم بغنى وطول الليل بغنى لما ماما زهقت ياعينى وتعبت
الله يكون فى عونها بقى
أنا أنسان
ممكن جدا بس أزاى
بنت خيخه واى كلام
بكره يقلعوا
زعيم كمورا مورا
بجد عجبنى الكومنت بتاعك اوى فعلا هما ازاى مبيتكسفوش
والقادم أجمل
طبعا يا باشا بغنى فى البيت وبس ومره غنيت فى رحله مع صحابى
مهو أصل الناس ذنبها أيه تسمع صوتى
رموز الحياه
أنا ملاحظه أن الصوره العربيه اتشوهت خاااااااااااااااالص
كل همنا أزاى نبقى زى الغرب حتى الالحان واخدنا منهم فين أحنا وفين سماتنا العربيه وفين فننا وفين النغم بتاعنا
مفيييييييييييش
دمعاتى
لجل ما نعلا ونعلا ونعلا
لازم نقلع ونقلع ونقلع
وجهة نظر بردو
كله بيقلع الا القله استثنى انغام واصاله والباقى حرا فى عز البرد
رئيس جمهورية نفسه
والله ده اللى شاغلنى هما مابيسقعوش؟
ههههههههههههههههه
عندك حق والله يا بنتى كله بيقلع
بس اكيد في ناس محترمة مش بتقلع
تعرفي انا في الشتا ومش انا بس كلنا بنبقى بردانين ولا بسين هدوم تقيله ودول مش عارفه مبحسوش ولا ايه مصيفين على طول يمكن بيخدوا اقراص للتدفئه
انا عملت حوار مع مطربة لسه طالعه جديد وصوتها حلو
كانت بتقولي انا مليش اصدقاء في الوسط الفنى سالتها ليه يعنى قالتلي اصلهم بيلبسوا لبس عاري وكده وانا احب اكون بعيده وقالتلي على موقف حصل معاها مع مطربه برده صوتها حلو انها كانت لبسه جيب قصير اوى في رمضان فاختنا لمحتلها فالمطربة ام جيب قصير بصتلها بصه من فوق لتحت
انا قولت على المطربة هتبقى صوت جميل وكمان لبس محترم اقوم اشوف الكليب الاقيها زيها زي اي واحده
وشويه شويه يلا مش عاوزة اقول
بس هي صوتها جميل
بس يظهر شركات الانتاج بيشرطوا عليهم يتقلع يا تخلع بين قوسين تورينا عرض كتافك ومع السلامه
وطبعا بيسلموا للامر الواقع وبيقلعوا
بس ليكى عليا اول مفتح شركه انتاج هخليكى تغنى
ولا تزعلى نفسك
لولا
عجبتنى ازى نظرية يا تقلع يا تخلع دى
nice funny post ...
mohamed hesham
thanks
انا اسف ان انا نسيت اجيبلك القصيده واللحن
شوفي حضرتك امتى يناسبك
وابعتهم ازاي
على الايميل ولا على ايه
اه ممكن تبعتهم عالايميل
Post a Comment