أزيكم ؟ بجد وحشتونى أوى كلكم
عايزه أحكيلكم على حلم فى منكم هيشوفه صغير وفى ناس هتشوفه كبير زى ما أنا شيفاه
أنا طول عمرى بحب أكتب من زمان وأنا صغيره ليا هوايتين الكتابه والحفلات اللى كنت بعملها فى المدرسه وأنا صغيره
لما بدأت أتفرج على برنامج القاهره اليوم والعاشره مساء وغيره وغيره حلمت يبقى عندى برنامج يومى زى الناس دى
برنامج مش هيتكلم فى السياسه والفن والرقص والهز والحوادث والحرايق
لاء برنامج هيتكلم فى أوجاع الناس وتكون فى ناس بترعى البرنامج ده وبتصرف عليه عشان نقدر نقدم مساعدات ماليه لاكبر عدد من الل محتاجينها او نساعد حد فى أنه يحصل على شغل أو صوته يوصل لمسئول أو ... أو ... أو
مش عارفه أيه علاقة ده باللى جايه أتكلم فيه النهارده بس أنا عايزه أقول أن حلمى كله أعمل حاجه مفيده أفيد بيها الناس ومين عارف يمكن أنا كمان أستفيد
كتير مننا عارفين حملة حمايه واللى مhttp://www.amrkhaled.net/ش عارفين حملة حمايه عارفين الاستاذ عمرو خالد
أتفقنا عليه أو أختلفنا لازم نقول أن عمرو خالد عامل حاجه حلوه أوى
أيه هى؟
هى حمله لايقاف المخدرات ومحاربة الادمان
صبرك بس عليا متقولش هو أحنا هنغير الكون ولا تقولى مهى اصل الاسباب كذا وكذا وكذا
أه أحنا نقدر نغير يمكن منغيرش الكون بس على الاقل نحاول او نساعد ونساهم بجزء بسيط فى تغيير المحيط اللى حوالينا
حملة حماقه مش قايمه على الشعارات ولا أن المخدرات حرام واللى يشربها هيتسلق فى النار ولا كل ده
ليه ؟ لان الكلام ده بينفر الناس وممكن يخليهم يزيدوا فيها وميبقوش عايزين يفوقوا ويسمعونا
طيب حلو اوى حملة حمايه عايزانا نوقف المخدرات والادمان
أزاى؟ بأنك تحاول تقرب من حد تعرفه مدمن او بيتعاطى المخدرات وتكلمه براحه خالص ومتحسسوش انه منبوذ والناس كله بتبعد عنه حاول أنت تقرب وتنصحه وتكلمه مش تنصحه بأنه يبطلها بس لانه تنصحه بأنه يلجأ للعلاج لانه لو متعالجش من الادمان هيرجعله تانى بعد فتره طويله أو قصيره
أو أبسط حاجه نعملها أحنا كمدونين أننا نحط الاستيكر بتاع الحمله فى مدونتنا
نكتب لينك الحمله فى مدونتنا
ننزل بوستات والناس بتوع الطب عن مخاطر الادمان
الناس اللى بتجتمع بالاخوه المدونين وبيعملوا أنشطه سوا نحاول نعمل ندوه فى مره عن الادمان ونقول للناس دى احنا بنحبكوا وعايزين نساعدكوا
نحاول نكتب رقم التليفون اللى الحمله عماله عشان المدمنين يتصلوا عليه فى مدونتنا وفى الكومنتنات كمان
يعنى من الاخر فى حاجات كتير اوى
كيان المدونين دلوقتى أصبح كيان مؤثر جدا وماشاء الله صوتنا بقى بيتسمع
وفى مننا ناس بيقت بتنزلهم بوستات فى جرايد كبيره زى الدستور
يبقى نحاول نستغل صوتنا وأمكانيتنا دى فى أننا نحاول نعمل حاجه وأن شاء الله فى أمل
نبعت رسايل بالموبايل لكل الناس اللى عندك عرفهم بالحمله
ولو دى مكلفه ياسيدى أبعت للناس اللى عندك على الايميل عرفهم بالحمله وسبلهم لينك الموقع اللى انا هحطه فى اخر البوست
أبعت رسايل للقنوات الفضائيه بدل ما تعبت من خالو سعيد يهنىء الاسره بالاسكندريه وسلامنا للخاله سعديه وسلم علىىىىى
يعنى ممكن نعمل حاجات كتير بسيطه
نقول لزمايلنا فى الكليه والمدرسه والشغل
اضعف الايمان أعمل بوست زى ده وقول أن فى حاجه أسمها حملة حمايه عشان نوقف الادمان
واللى عايز يعرف أكتر يدخل على موقع الداعيه عمرو خالد
تحياتى ليكم وان شاء الله نقدر نعمل حاجه
23 comments:
اول تعليق
ههههههههههه
هو عندك حق والله ياهند
بدال خالو سعيد
نكتب
طنط سعيدة
هههههههه
والله انا متفق معاكى فى كل اللى قلتيه
وعاجبنى اوى
اسلوب عمرو خالد وافكاره
بجد
رائعه
تحياتى ليكى
يا جماعه حلو اوى اننا نبقى معجبين بالكلام بس المهم والاحلى اننا نساعد بجد
بوضه الاستيكر فى مدونتنا على الاقل
تحياتى يا هند
انا متابعه الحمله
وعرفت انها وصلت اتنين ونص استيكر فى عشر ايام
بجد الحمله دى ممتازه
السلام عليكم
جميل انك تكوني متضامنة مع الحملة بس الاجمل اننا نعمل حاجة بجد
تحياتي ليكي
وان شاء الله ده مش هيكون اخر تعليق
على فكرة موضوعك جميل ويناقش مشاكل جامدة برافو عليكى وانا معاكى فى هذه الحمله
وانا بحب جدا عمرو خالد وبحب اسلوبه وتعبيره للكلام
وربنا يوفقك
تحياتى
ريهام
هنود انا بقى ادعيلى هأخد استيكرات واوزعها على الناس بس انا معرفش حد مدمن بس يا رب تجيب فايده يا رب
أنا شوفت حلقة عمرو أديب لما استضاف عمرو خالد ةمعاه ناس من اللي كانوا مدمنين والحمد لله ربنا شفاهم يعني
الحلقه عجبتني جداً والحمله عجبتني جداً وفعلاً بيعمل حاجه مش كلام وبس
فرنسا هانم
مش مهم نتابع المهم نساهم بحاجه ولو بسيطه
شاب نفسه يحقق نفسه
مهو ده اللى انا بتكلم فيه اننا نعمل حاجه ولو بسيطه ولو حتى نحط الاستيكر فى مدونتنا
رحاب محمود
كلمة انا معاكى دى جابت فى دماغى فكره وان شاء الله نقدر ننفذها وتبقى معايا فعلا
اتمنى لو نتكلم على الايميل
appy
ربنا معاكى ومعانا ومع كل واحد نفسه يعمل حاجه للناس اللى محتاجه
رحاب مصطفى
اتمنى احنا كمان نعمل حاجه يارب
لو عرفنا انى المخدرات بتستهلك 24 مليار جنيه سنويا من اموال الشعب المصرى ده غير الخساره البشريه حنعرف اهميه الحمله
كويس جدا والله
ان حضرتك تشاركى فى الحمله
وفى الاول وفى الاخر
دى حمايه لينا
ولحبايبنا واهلنا والناس كلها
ربنا يكرمك يارب
تقبلى مرورى
عمار
رئيس جمهورية نفسه
كان نفسى حد يقولى انه هيشارك باللى اكبر من الكومنتات
ammar
ياريت نشارك بجد لانها زى ما قلت لاهلنا وحبايبنا ولينا لانها اكيد هتبقى فى ميزان حسناتنا
فعلا" المشاركة واجبة علينا كلنا لأنها حاجة ممكن لاقدر الله تحصل لأى حد نعرفه وبنعزه ويمكن إن شاء الله ربنا يكرمنا والحملة تحقق أعلى نجاح
"ساعد الناس علشان ربنا يساعدك"
حطيت البوستر ف المدونة
تحياتى ليكى ياهنووودة
مستجده
أنا مبسوطه اوى بجد انك حطيتى البوستر فى المدونه
ايوه كده لازم نشارك بأى حاجه
ربنا يكرمك والله ياهنود
هوه ده فعلا اللى نفسى الكل يعرفوه نفسى نحس ونعمل حاجة ولو باقل حاجة زى ماقلتى
الاستيكر فى المدونة ورابط الحملة
ربنا يتقبل مننا يارب ياهنود
والحمد لله انا بالفعل اشتركت
وبحاول اشارك كل اللى حواليا
لان هوه ده الامل
تحياتى ليكى بجد
أخر العنقود
الحمد لله أنى لقيت حد فاهم أنا عايزه أقول أيه
العزيزه هند
انا معاكى لو عندك فكره حتنفذيها ححاول على قد ما اقدر اساعد معاكى فيها بس فعليا مش موضوع عدم مشاركه انا حاولت مع اصحاب كتير ليه وفشلت لانى المدمن مريض بيحتاج معامله خاصه جدا واخر ما بذهق منهم ببعد فى صمت لانى بفشل معاهم
رئيس جمهورية نفسه
أنا معنديش فكره للتعامل مع المدمن نفسه بس كنت بفكر لو حد يقدر يعملنا حاجه عالفيس بوك عشان ننشر الحمله ومن خلالها ممكن الناس توصل لعمرو خالد عشان يبدأوا العلاج
Post a Comment