قلت أجاوب التاج

مش هخبى عليكم انا فى حاله نفسيه وايضا صحيه لا تسر عدو ولا حبيب
متتخضوش بس النفسيه مش تمام فمأثره على الصحه شويه
والنبى أنا لسه صغيره ع الكلام ده بس يلا معلش الحمد لله على كل حال
بقالى يومين بعد ما الكمبيوتر بتاعى أتصلح والروح ردت فيه والحمد لله بفتح البلوج ونظرا للحاله النفسيه اللى مش ولابد
ببقى مش عارفه أكتب أيه عايزه أكتبلكم حاجه كويسه ومش عارفه أقول أيه أفتكرت تاجين جولى من فتره من احمد الصباغ ومن د\اجدع بنوته
قلت أجاوب تاج الصباغ واللى جالى من أحمد ومن د/اجدع بنوته

بسم الله الرحمن الرحيم
هل توافق على حذف خانة الديانه من البطاقه الشخصيه؟
لاء مش موافقه. ومش موافقه اصلا على انى اعترف بأيه ديانه غير الديانات السماويه التلاته ...اليهوديه والمسيحيه والاسلاميه . وأحنا دوله أسلاميه يبقى اللى يعيش هنا يطبق قوانين هنا بس بردو مش موافقه أنى أنسب أى ديانه تانيه للاسلام يعنى نحاول نميز الناس اللى بتدين بغير الديانات السماويه التلاته

ما رأيك بالمثليين؟ وهل هى حريه شخصيه؟ هل توافق على الاعتراف بهم؟ هل لديك أصدقاء منهم؟
رأى فيهم أنها حاجه تسد النفس وياريت بقى ملقيش الاعتراض على كلامى لما بقول يسدوا النفس مهو لو المثاليه حريه شخصيه والالحاد حريه شخصيه يبقى كمان راى فيهم حريه شخصيه ده اولا

ثانيا حرية شخصيه ازاى يعنى مش واخده بالى ده ربنا اهلك قوم لوط بسبب العمله دى اجى انا واقول حريه شخصيه طيب ازاى وهما بيعملوا حاجه بيتهز اليها عرش الرحمن وعلى فكره انا كنت متعاطفه معاهم الاول وفاكره انهم مرضى نفسيين لكن سالت وعرفت ان ده ملهوش علاقه لا بمرض نفسى ولا عضوى ده له علاقه بان الناس دى غاويه انحراف وبس
طبعا مش موافقه على الاعتراف بيهم ابدا ولا حتى انهم يعملوا كده فى الخفا لازم يكون فى قانون يجرم الموضوع ده يا جماعه احنا دوله اسلاميه ياما نحافظ على الاسلام ياما نستنى الهلاك بقى زى قوم لوط
لاء طبعا معنديش اصدقاء منهم


هل تعتقد بوجود اضطها للمسيحين فى مصر؟
بصوا انا هتكلم بصراحه شويه انا شايفه ان فى اضطهاد لمصر كلها للشعب كله يعنى واخوانا المسيحين مش مضطهدين ولا حاجه وانا ليا اصدقاء بحبهم جدا مسيحين ومفيش اى مشاكل ومعلش يعنى انا وانا فى المدرسه لما كان تلميذه تعمل مشكله مع زميلتها المسيحيه كانت تبقى يا داهيه دقى وتنزل للمديره تتفرد اسبوع مثلا ولا حاجه كان ممكن مدرس يتنقل من فصل لفصل بسبب انه عمل مشكله مه حد مسيحى مع انه مكنش ده ممكن يحصل لو عمل مشكله معانا احنا وش هنسى ابدا ان فى بنت زميلتنا فى الفصل مسيحيه وقفت هزات مستر العربى ومقدرش حتى يرد عليها عشان المشاكل
وده بجد كان بيحصل عندنا فى المدرسه فيبقى فين الاضطهاد بس


من هو الشخص الذى تختاره لرئاسة مصر؟
طيب وهى فين مصراساسا



اذا قمت بتأسيس حزب سياسى من هم الاشخاص الذين ستقوم بضمهم فى الحزب للمشاركه فى كحم مصر حال فوزك فى الانتخابات؟
انا ممكن اعمل حزب انسانى بس لكن فى السياسه مفهمش غير فى وجع الناس الغلابه


هل توافق على مشاركة كلا من الاخوان المسلمين والاقباط فى الحكم؟
لاء


فى رايك الشخصى ماهى افضل مدونه على بلوجر قمت بزيارتها؟
يوميات عيل مصرى
عان عرفتنى حاجات انا مكنتش اعرفها ابدا
بالاضافه لكل الناس اللى لينكاتها عندى دى


هل توافقين على الزواج من رجل مطلق؟
لاء

اذا تزوجت وانجبت ولدين وبنتين اى الاسماء تحب ان تسمى؟
لاء كفايه ولد وبنت
ولد اسميه بيجاد
وبنت اسميها فريده


هل تعتقد ان توريث الكحم فى مصر سيتم فعلا او لاء؟
لا معتقدش هيتم
وبينى وبينك الشعب مبقتش فارقه معاره اساسا


فى رايك الشخصى ما هو افضل انجاز لحكومة مبارك وما هو اسوا عمل قامت به؟
انجازات كتير والله
اسوا عمل هو اللى احنا عيشينه دلوقتى

عيله وبتخرف

لست أعلم من أنا؟

أنا الحب أم الشقاء ؟

أنا الصمت أم الكبرياء ؟

أنا اليأس أم الواقع؟

من أنا ؟

سؤال يحيرنى ..يقتلنى ..يذبحنى

فمن أنا؟

أنا التوهه فى عالم النسيان

أنا الصمت فى عالم الاحزان

أنا العشق فى عالم الكراهيه

أنا التى أحبتك فى عالم لا يعرف الحب

وعشقت قلبا لا يعرف العشق

وكنت أسيرة لملك لا يعرف الرحمه

وضعت

فى هواك أنا ضعت

وتوهت

فى عالمك أنا توهت

والان رجعت لاسأل من أنا

الان أدركت

أنا؟؟

لا شيئا أنا بدونك

بدونك لست أنا رغم قلبك القاسى

بدونك لست أنا رغم حبك الكاذب

بدونك لست أنا رغم عالمك المظلم

بدونك؟

لست شيئا أنا بدونك

فالان أنا ...لست أنا

وحياتى ليست حياه

أيها الملك المستبد لقد سلبتنى منى

أنا قلبا أسير الهوى وعاش الضياع

أنا قلبا من الشقاء أرتوى وأنتهى بالخداع

أنا عشقا قابله الوداع

أنا؟

لست أنا

مش هكتب اى تعليق على الصور دى

شوارع مصر كلها علقت وقالت اللى فى نفسها

صوره...صوره ...صوره

صوره ..صوره...صوره كلنا كده عايزين صوره

صوره ..صوره ..صوره

تحت الرايه المنصوره

الله

أنا كنت برقص على الاغنيه دى وأنا صغيره

بترقصى عليها فين؟؟

هو أيه اللى فين؟فى المدرسه طبعا

مهو أنا كنت رئيسة فريق الزهرات اللى هما بيعملوا الحفلات فى المدرسه

كنت بلبس جيب أحمر قصير وبدى ابيض وكنا بنغنى وكنت بلبس علم مصر

وأنتى بقى بتعرفى ترقصى؟

أه بس مش زى هزى يا نواعم طبعا

أنا كنت بحب الحفلات دى أوى بس للاسف ماما عمرها ما صورتنى وأنا بعمل الحفله

مش عارفه ليه مش حاسين بأن جوايا حاجات بتطلع وأنا بغنى

أنا بحب أغنى أوى على فكره بحس أن جوايا ألف حاجه وحاجه بتطلع لما بغنى

أه صوتك حلو

لوسمحتى يا متتريقيش أنا بكلم عن اللى بحس بيه

والله العظيم مش بتريق صوتك حلو سمعتك وأنتى بتغنى وأنتى واقفه فى المطبخ

يااااه صوتى كان واصل لحد شقتكم فوق؟؟؟

اه وكان حلو والله هو أنتى ليه مبتغنيش؟؟

شركات الانتاج بتجرى ورايا بس أنا مش فاضيه

بجد هو أنتى ممكن تغنى وكده؟

لاء

ليه ؟؟؟

عشان مفيش حد دلوقتى بيغنى كله بيقلع

يعنى أيه كله بيقلع

يعنى هاتى أستار أكاديمى نشوف عملوا أيه النهارده