أيوه فعلا أنا محتاجه رأيكم مهو أصل أنتوا اللى عودتونى على كده وفى ناس منكم بتعاملنى على أنى أختها الصغيره وبتدلعنى كمان
يبقى لازم تستحملوا أختكم وتقولولى رأيكم
فى البدايه لولا صاحبة مدونى أنا وصحابى عرضت عليا فكرة أنى أكتب معاهم فى مجله عالنت أسمها على صوتك
ايوه ايوه اللى اللينك بتاعها على اليمين دى
وعجبتنى الفكره وشفت المجله ولقيت ان تقريبا أفكارهم قريبه من أفكارى وكتبت فعلا موضوع من موضوعين كانوا بيدوروا فى دماغى وكنت ناويه أنزلهم فى المدونه عشان أخد رأيكم فيهم ولما لولا قالتلى على موضوع المجله قلت أجرب كده يمكن أعرف أكتب حاجه خصوصا أنى قلت قبل كده أنى بحب أكتب لان مش ديما بلاقى اللى يسمعنى
المهم كتبت أول موضوع وأترفض لانه كان قصير ومع أنى أختلفت معاهم فى حكاية قصير دى الا أنى قلبت الوضع وقلت أحاول تانى مع تانى موضوع واسمه جيل بلا هويه الناس اللى أتعرض عليهم الموضوع كلهم كانوا معجبين بيه أوى وطلبت منى اللى بتاخد مننا المواضيع موضوع عن راشيل كورى لانه ملف العدد وفعلا جهزت الموضوع وبردو عجبهم
أنا بقى عايزه رأيكم أنتوا بدون ى مجاملات
عايزه أعرف أنفع ولا لاء ؟
فى حاجات غلط ممكن تتظبط ولا الامل فيا مفقود تماما؟
أنا مبحبش حد يجاملنى أكيد المواضيع فيها غلطات أنا مش معايا دكتوراه فى الصحافه عشان كده مستنيه رأيكم لانى عارفه أنى هسمع رأيكم بصراحه
المواضيع موجوده فى مجلة على صوتك اللى موجود لينكها على اليمين دى هتلاقوا موضوع أسمه مذكرات راشيل كورى وموضوع تانى أسمه جيل بلا هويه
هستنى رأيكم
أه ملحوظه بقى رفيعه كده على جنب :أبراهيم صاحب مدونة أنا وأنا قالى رأيه موضوع راشيل عجبه لكن هو شايف انه موضوع جيل بلا هويه موضوع تقليدى ومستهلك
فعلا يا أبراهيم يمكن يكون عندك حق بس أنا كان نفسى أوصل أحساسى بأننا فعلا فاقدين للهويه بس أنا شايفه أن معاك حق وأن شاء الله هحاول تانى وتالت عشان مبقاش تقليديه فى أفكارى ومواضيعى
بس خلاص
تحياتى ليكم كلكم
28 comments:
اها
اهلا اهلا بزميله الكفاح فى علي صوتك
الف مبروك علينا العدد الجديد
على فكره موضوع جيل بلا هويه من اكتر الموضوعات اللى شدتنى بجد
اتنبألك بمستقبل باهر
معاكى
اختك اللى بتكتب موضوعات فلكيه ماحدش بيقراها غيرها
:)
علشان أنا فعلاً بعتبرك اختي الصغيره ... قريت اللي انتي كاتباه مع اني والله مش فاضيه وحاجات كتير كده بس قريت اللي كتبتيه وبجد عجبني اسلوبك
موضوع جيل بلا هويه ممكن تقولي انه تقليدي بس أنا ماقريتوش قبل كده بالطريقه دي علشان كده عجبني اسلوبك
لأ في أمل كبيير كمان ;)
ربنا يوفقك ان شاء الله
انا شوفت بتاع راشيل كورى
لكن جيل بلا هويه لسه
اسلوبك لا يختلف عليه اتنين اصلا
ده مبدئيا
ثانيا معرفش ليه متحمس لجيل بلا هويه ده
هروح اقراه بعد مخلص مزاكره باذن الله
وبأى حال م الاحوال
كيب جوينج ياهنودا
وينكى
اهلا اهلا اهلا
أنتى زميلة كفاح ؟
والله ما كنت اعرف
مبسوطه اوى ان موضوعى عجبك يارب ديما موضوعاتى تعجبكم
rehab mostafa
ربنا يخليكى بجد انا والله بعتبرك اختى من اول ما قريتلك
والحمد لله ان اسلوبى عجبك
د/اجدع بنوته
ربنا معاكى يارب
وهستنى رأيك فى جيل بلا هويه
قريت موضوع راشيل كورى
وقريت الشعر العامى المكتوب فى اخر الموضوع
وعلقت على الموضوع هناك
وبعد التعليق
ضغطت على شاهد التعليقات
وجدتها صفر
مش عارفه تعليقى وصل ولا لا
ايوة طبعا تنفعى ونص وتلت تربع
ومين غير مجاملة والله
بقلك بس بالراحة عشان محدش ياخد باله
اخدتى فلوسك
!؟
انا دخلت وقريت الموضوعين
عجبنى اووى بتاع راشيل كورى.. حلو اوى بجد يا هند اسلوبك فيه جميل
وبتاع جيل بلا هوية...حلو برضو والله بس فكرنى بالحسرة اللى مصر فيها والقهر اللى البيوت المصرية عايشاه بسبب ولادهم المتأمركين
ده فى حاجات تانية كتيييير اوى الشباب بيعملها وكلها غلط ف غلط
لكن طالما موضوعك زعلنى يبقى اكيد لمسنى من جوة وبلاشك ان اسلوبك حلو
ربنا يكرمك ان شاء الله وتبقى أد الدنيا
سلام يا جميل
اوك يا هندودة
انا هاروح اقرا الموضوعات واجى اقولك راى
ربنا يوفقك يارب
سلام
اختك خيخة
هاى هندودة
قريت الموضوعين
موضوع راشيل كورى عجبنى اكتر وعجبنى اسلوبك فيه
موضوع جيل بلا هوية حلو وكل حاجة بس هاتفق مع راى ابراهيم اللى قالك انه موضوع تقليدى وقرينا عنه كتير
ربنا يوفقك يارب واستمرى يا هندودة
سلام
اختك خيخة
اه صحيح الشعر اللى فى اخر موضوع راشيل كورى
ده شعرك انتى
ده جامد اوى
سلام
خيخة
لا بجد انتى عارفه ان لسانى فرامل بتاعته بايظه
تسلم ايديك انما الموضوع التانى يعنى كويس واسلوبك فيه حلو مش وحش انما راشيل هايل بجد اقشعريت لما كتبتى عنها وزعلت قوى عليها
عجبنى اوى موضوع راشيل كورى
اسلوبك حلو اوى
وموضوع الجيل هو صحيح مش جديد بس انتى كاتباه باسلوب حلو اوى
بجد استمرى
انا شايفه انك تقدرى
:))
سلامى يا قمر
:))
هند الموضعين مهمين جدا
راشيل كورى
اللى ضحت بحياتها من اجلنا ومن اجل قضيتنا
وجيل تاية لا عارف يعمل حاجة لية ولا لغيرة
وانا والله مش عارف اعتب علية
ولا اشفق على الظروف المنيله بنيله اللى هو فيها .المهم انا خرجت بره الموضوع الموضوعين جمال بجد ةانتى كاتباهم بطريقه تحفه
فرنسا هانم
هحاول اشوف الكومنت بتاعك ويارب يكون وصل
شكرا لاهتمامك وردك
محمد مدحت
مخدتش ولا شلن انت اخدت؟
وبعدين تعالى هنا مش انت المهتم بالشئون الماليه زى ما اتفقنا ولا ايه؟
مستجده
مكنتش اتمنى ابدا ازعلك بس دى الحقيقه لازم نعرف سلبياتنا فين ونواجهها ونحاول نصلحها
بنت خيخه واى كلام
ربنا يخليكى ليا وتشجعينى ديما وزى ما قلت هحاول مبقاش تقليديه
الشعر ده مش بتاعى دى اغنيه لعبد الحليم اسمها المسيح وكتبها عبد الرحمن الابنودى
appy
واضح ان كلكوا متفقين فى موضوع جيل بلا هويه بس الحمد لله انه بردو اسلوبى عاجبكو
شكرا يا ابى يا حبيبتى لانى عارفه انك مش بتجاملينى
shayma
والله من غيركم انا مش هقدر كلامكم ده هو اللى مخلينى عايزه اكتب وعايزه المواضيع تطلع حلوه
كرياكو
ولما اقول كرياكو يعنى بلدياتى وكفاءه
والله انا زيك كلنا ظروفنا متلخبطه وكلنا تايهين وكلنا مش عارفين نروح فى اى طريق
بس لازم نحاول وده كلام بجد مش انشا لازم نحاول احنا مش هنعيش الف مره دى هى مره يبقى لازم نحاول نعيشها صح ونعيشها بجد
انا اتكسفت والله اتكلم فى الموضوع هذا
وبعدين مدحت محمد
مش محمد مدحت
سلامة نظرك
مدحت محمد
خلاص خلينا مكسوفين كلنا ومناخدش ولا شلن حتى
سورى كنت لابسه النضاره بالمقلوب
بسم الله
معذرة على التحليق خارج السرب
ولكن
ثورة طنطا في صور
جديد مدونة البحر
مع خالص تحياتي
زميله الكفاح فى نفس المجله
انا شفت مقال جيل بلا هويه وعجبنى خالص وبعترض على الى قال انه مستهلك لسبب لانى لو ملقناش الهويه بتاعت جيلنا والغربه بتاعت جيلنا موجوده فالموضوع مش مستهلك ما لم يضع له حد وبصراحه موضوع راشيل كورى ما اطلعتش عليه لبعض الظروف وتجهيز مقالات الشهر ده بس وعد حقولك راى فى ااقرب فرصه
رئيس جمهورية نفسه
أنت بردو زميل كفاح فى نفس المجله؟.؟؟
وأنا معرفش؟
طيب ينفع كده
عموما انا معاك ان مدام الظاهره لسه موجوده يبقى أحنا لازم نفضل وراها لحد ما تتغير
استفسار صغنن
هو لو حد قالك ماتكتبيش .. مش هتكتبي وهتسمعي كلامه؟؟؟؟
لو قلتي هتبطلي كتابه هقوللك كدابه
لسبب بسيط
انتي بتحبي الكتابه
عايزه يبقى ليكي صوت
انا ماقريتش المواضيع
وعارف انهم هيبقو حلوين
مش مجامله ولا حاجه
بس لاني عارف ان دماغك كويسه
وعارف انك لما هتاخدي ثقه في نفسك كمان وكمان .. هتطلعي حاجات احلى بكتير
يلا بقى اكتبي
مستنيه ايه
سلامووووووووووز
soooo
ربنا يخليك يارب والله العظيم كلامكم ده هو اللى بيدينى ثقه فى نفسى اكتر
يا رافع معنوياتى
Post a Comment